نئی دہلی، 10 نومبر (ہ س)۔ بہار اسمبلی انتخابات کے دوسرے مرحلے سے پہلے کانگریس جنرل سکریٹری جے رام رمیش نے کہا ہے کہ بہار میں اس بار مہاگٹھ بندھن کی حکومت بننا یقینی ہے۔ اقتدار میں آتے ہی بہار کے لیے مہاگٹھ بندھن کی پانچ سال کی20 نکاتی گارنٹی کو نافذ کیا جائے گا، جس میں ہر گھر کے ایک فرد کو سرکاری ملازمت، خواتین کو ہر مہینے 2500 روپے ماہانہ سبسڈی، اور 200 یونٹ تک مفت بجلی جیسی تمام سہولتیں فراہم کی جائیں گی۔

کانگریس لیڈر رمیش نے اپنی ایکس پوسٹ میں کہا کہمہاگٹھ بندھن کی گارنٹیوں میں پانچ سو روپے میں گیس سلنڈر، خواتین کے لیے مفت بس سروس، جیویکا دیدیوں کی تیس ہزار روپے تنخواہ، بزرگوں کے لیے پندرہ سو روپے پنشن اور معذوروں کے لیے تین ہزار روپے ماہانہ پنشن شامل ہیں۔ اس کے ساتھ ہی، کسانوں کی پیداوار پرامدادی قیمت کی گارنٹی، 24 گھنٹے مفت بجلی اور سرکاری ملازمین کے لیے پرانی پنشن اسکیم کا نفاذ بھی شامل ہے۔

جے رام رمیش نے کہا کہمہاگٹھ بندھن حکومت ریزرویشن کی حد کو 50 فیصد سے بڑھا کر آئین کے نویں شیڈول میں بھیجے گی۔ اس کے ساتھ ہی درج فہرست ذات اور درج فہرست قبائل کے استحصال کے معاملوں کی فوری سماعت کے لئے خصوصی عدالتیں بھی قائم کی جائیں گی۔ انہوں نے کہا کہ سہارا میں پھنسی رقم کی وصولی کے لیے ایک خصوصی تحقیقاتی ٹیم تشکیل دی جائے گی۔ صحافیوں کو رہنے کے لئے ہاسٹل اور مفت طبی علاج فراہم کیا جائے گا اور وکلاءکو لائف اور ہیلتھ انشورنس فراہم کی جائے گی۔

ہندوستھان سماچار

ہندوستان سماچار / محمد شہزاد