اننت ناگ میں حزب آپریٹو کے خلاف عدالت نے غیر ضمانتی وارنٹ جاری کیا

اننت ناگ، 14 اکتوبر (ہ س)۔ این آئی اے ایکٹ کے تحت خصوصی جج اننت ناگ نے اننت ناگ پولیس کی درخواست پر حزب المجاہدین کے آپریٹو ظفر بھٹ عرف خورشید ساکن سری گفوارہ کے خلاف غیر ضمانتی وارنٹ جاری کیا ہے۔ پولیس نے کہا کہ این آئی اے ایکٹ کے تحت خصوصی جج اننت ناگ نے پولیس کی طرف سے دائر درخواست پر ظفر بھٹ عرف خورشید ولد ثنا اللہ بھٹ ساکن لوار، سری گفوارہ کے خلاف غیر ضمانتی وارنٹ جاری کیا ہے۔ ظفر بھٹ کالعدم تنظیم حزب المجاہدین کا سینئر رکن ہے اور اس وقت پاکستان سے کام کر رہا ہے۔ وہ غیر قانونی سرگرمیاں (روک تھام) ایکٹ 1967 اور دیگر متعلقہ قوانین کے تحت درج دہشت گردی سے متعلق متعدد مقدمات میں ملوث رہا ہے۔ معزز عدالت نے اننت ناگ پولیس کو ہدایت دی ہے کہ وہ جلد از جلد عدالت میں اس کی موجودگی کو یقینی بنانے کے لیے تمام ضروری اقدامات کرے۔ یہ پیش رفت اننت ناگ پولیس کی جانب سے فرار دہشت گردوں کو انصاف کے کٹہرے میں لانے اور ضلع میں امن و سلامتی کو مستحکم کرنے کی جاری کوششوں میں ایک اور قدم کی نشاندہی کرتی ہے۔ اننت ناگ پولیس عام لوگوں سے بھی اپیل کرتی ہے کہ اس مفرور دہشت گردوں کی نقل و حرکت یا رابطہ سے متعلق کوئی بھی معلومات قریبی پولیس اسٹیشن یا سرکاری ہیلپ لائن نمبروں کے ذریعے شیئر کریں۔ اطلاع دینے والوں کی شناخت صیغہ راز میں رکھی جائے گی۔ہندوستھان سماچار

ہندوستان سماچار / Aftab Ahmad Mir