غیرمجاز فلیکس پر کارروائی، امیدواروں کے لیے این او سی لازمی قرار

پونے،

14 اکتوبر(ہ س)۔ پونے میونسپل

کارپوریشن نے فیصلہ کیا ہے کہ شہر میں غیر مجاز فلیکس اور بینرز لگانے والے کسی بھی

امیدوار کو الیکشن فارم کے ساتھ “نو آبجیکشن سرٹیفکیٹ” ( این او سی ) پیش کرنا ہوگا، جس سے یہ ثابت ہو

کہ ان پر فلیکس جرمانہ بقایا نہیں ہے۔

انتظامیہ

نے واضح کیا کہ فلیکس سے متعلق جرمانہ ادا نہ کرنے والے امیدواروں کی نامزدگی

مسترد کی جا سکتی ہے۔ اس اقدام کا مقصد سیاسی تشہیر کے نام پر شہر میں پھیلتی

بدنظمی اور غیر قانونی اشتہار بازی پر روک لگانا ہے۔ گزشتہ

کچھ عرصے سے پونے شہر میں غیر مجاز فلیکس لگانے کا سلسلہ بےقابو ہو چکا ہے۔ تعلیمی

اداروں، ٹیوشن سینٹروں، تعمیراتی کمپنیوں اور دیگر تجارتی اداروں کے ساتھ ساتھ اب

سیاسی رہنماؤں نے بھی بڑے پیمانے پر ایسے اشتہارات آویزاں کرنا شروع کر دیے ہیں۔

انتخابات

کے قریب آتے ہی مختلف جماعتوں کے بینرز اور پوسٹرز نے شہر کی سڑکوں اور چوراہوں کو

ڈھانپ لیا ہے۔ اس سے جہاں شہر کی خوبصورتی متاثر ہوئی ہے، وہیں ٹریفک کی روانی اور

عوامی نظم و ضبط پر بھی منفی اثر پڑا ہے۔ بلدیہ

نے انتباہ دیا ہے کہ آئندہ کسی بھی امیدوار یا ادارے کو اجازت کے بغیر فلیکس یا بینر

لگانے کی اجازت نہیں ہوگی اور خلاف ورزی کی صورت میں قانونی کارروائی کے ساتھ

نامزدگی مسترد کرنے کی تجویز پر عمل کیا جائے گا۔

ہندوستھان

سماچار

--------------------

ہندوستان سماچار / جاوید این اے