نئی دہلی، 3 جنوری (ہ س)۔

مرکزی وزیر داخلہ امت شاہ نے جمعہ کو نئی دہلی میں جزیرے کی ترقی کی ایجنسی (آئی ڈی اے) کی ساتویں میٹنگ کی صدارت کی۔ شاہ نے جزائر انڈمان نکوبار اور لکشدیپ میں جاری ترقیاتی کاموں کا جائزہ لیا اور جزائر میں شمسی اور ہوا کی توانائی کو فروغ دینے پر زور دیا۔

وزارت داخلہ کے مطابق اس مدت کے دوران وزارت داخلہ، انڈمان نکوبار جزائر انتظامیہ اور لکشدیپ انتظامیہ نے دونوں جزیروں کے گروپوں میں بندرگاہوں کی ترقی سمیت ڈیجیٹل اور ہوائی رابطہ اور دیگر ترقیاتی منصوبوں کے بارے میں تفصیلی جانکاری دی۔

امت شاہ نے انڈمان نکوبار جزائر اور لکشدیپ میں شمسی اور ہوا کی توانائی کو فروغ دینے پر زور دیا۔ انہوں نے کہا کہ انڈمان نکوبار جزائر اور لکشدیپ کو سولر پینلز اور ونڈ ملز کے ذریعے 100 فیصد قابل تجدید توانائی حاصل کرنے کا ہدف رکھنا چاہیے۔ شاہ نے نئی اور قابل تجدید توانائی کی مرکزی وزارت (ایم این آر ای) سے کہا کہ وہ دونوں جزیرے گروپوں میں 'پی ایم سوریہ گھر' اسکیم کے تحت تمام گھروں میں شمسی توانائی کے پینل نصب کرے۔

امیت شاہ نے کہا کہ یہ جزیرے دہلی سے دور ہونے کے باوجود ہمارے دل کے قریب ہیں، یہاں کے بنیادی ڈھانچے کو ترقی دینا اور سیاحتی سہولیات کو بڑھانا حکومت کی ترجیح ہے۔

ہندوستھان سماچار

ہندوستان سماچار / عطاءاللہ