جے پور، 24 جنوری (ہ س)۔ راجستھان میں بارش کے بعد سردی بڑھ گئی ہے۔ جمعرات کی دوپہر سے جے پور، سیکر، چورو سمیت شمال مشرقی راجستھان کے شہروں میں ٹھنڈی ہوائیں چلنے لگیں، جس کی وجہ سے ریاست کے کئی شہروں میں زیادہ سے زیادہ درجہ حرارت 6 ڈگری سیلسیس تک گر گیا۔

موسمیاتی مرکز جے پور نے 26 جنوری تک درجہ حرارت میں کمی اور سردی میں اضافے کی پیشن گوئی کی ہے۔ تاہم ریاست میں موسم صاف رہے گا اور دن بھی دھوپ رہے گی۔ جمعرات کی دوپہر ریاست میں شمال سے آنے والی ٹھنڈی ہوائیں چلنے لگیں، جس کی وجہ سے کرولی، باراں، دھول پور، جودھ پور، ادے پور، چتوڑ گڑھ، بھیلواڑہ میں دن کا زیادہ سے زیادہ درجہ حرارت 3 سے 6 ڈگری سیلسیس گر گیا۔

جے پور، دوسہ، الور، سیکر، جھنجھنو سمیت شمال مشرقی راجستھان کے شہروں میں شام دیر گئے سرد ہواو¿ں کی وجہ سے کپکپی بڑھ گئی۔ کل دن کا زیادہ سے زیادہ درجہ حرارت جے پور میں 24.7 ڈگری سیلسیس، اجمیر میں 24.5 اور کوٹا میں 23.1 ڈگری سیلسیس تھا۔ وہیں باڑمیر میں 26.7 ڈگری سیلسیس، ادے پور میں 24.8، جودھ پور میں 25.2 اور بیکانیر میں 23.4 ڈگری سیلسیس درج کیا گیا۔ کل دن کے دوران سب سے زیادہ درجہ حرارت ڈونگر پور میں 27 ڈگری سیلسیس رہا۔

جے پور کے موسمیاتی مرکز نے آج سے اگلے چار دنوں تک ریاست میں خشک موسم اور سرد ہواو¿ں کی پیشن گوئی کی ہے، جس کے باعث درجہ حرارت میں مزید 2 سے 3 ڈگری سیلسیس تک کمی ہوسکتی ہے جس سے صبح اور شام کے اوقات میں سردی میں مزید اضافہ ہوگا۔ 28 سے 29 جنوری تک شمالی ہواو¿ں کا اثر کم ہو جائے گا اور مغربی ہواو¿ں کا راج رہے گا جس کے باعث درجہ حرارت بڑھے گا اور لوگوں کو سردی سے کچھ مہلت مل سکتی ہے۔

ہندوستھان سماچار

ہندوستان سماچار / محمد شہزاد