نئی دہلی، 10 جنوری (ہ س)۔ بائیوٹیک سیکٹر کے لیے پری- انجینئرڈ اور پری- فیبریکیٹڈ ماڈیولر پینل بنانے والی کمپنی فیب ٹیک ٹیکنالوجیزنے آج لسٹنگ کے ذریعے اسٹاک مارکیٹ میں زبردست انٹری کی۔ گھریلو شیئر مارکیٹ کے نگیٹو سنٹیمنٹ کے باوجود اس کمپنی کے شیئرز نے پہلے ہی دن اپنے آئی پی او سرمایہ کاروں کی رقم کو دگنا کردیا۔
آئی پی او کے تحت کمپنی کے شیئر 85 روپے کی قیمت پر جاری کیے گئے۔ آج، کمپنی کے شیئر بی ایس ای کے ایس ایم ای پلیٹ فارم پر ایس ایم ای سیگمنٹ کے لیے میگزیمم پرمیسیبل پریمیم90 فیصد کے ساتھ 161.50 روپے کی سطح پر لسٹ ہوئے ۔ لسٹنگ کے فوراً بعد خریداری کی حمایت کی وجہ سے کمپنی کے شیئر کچھ ہی عرصے میں 169.57 روپے کی اپر سرکٹ کی سطح پر پہنچ گئے۔ اس طرح کمپنی کے آئی پی او سرمایہ کاروں کو پہلے دن ہی 99.49 فیصد منافع ہو گیا ہے۔
فیب ٹیک ٹیکنالوجیز کلین رومز لمیٹڈ کا 27.74 کروڑ روپے کا آئی پی او 3 اور 7 جنوری کے درمیان سبسکرپشن کے لیے کھلا تھا۔ اس آئی پی او کو سرمایہ کاروں کی جانب سے زبردست رسپانس ملا، جس کی وجہ سے اسے مجموعی طور پر 740.37 بار سبسکرائب کیا گیا۔ اس میں، کوالیفائیڈ انسٹیٹیوشنل خریداروں (کیو آئی بی) کے لیے ریزرو پورشن میں 224.50 گنا سبسکرپشن ہواتھا۔ اسی طرح، غیر ادارہ جاتی سرمایہ کاروں (این آئی ائیز) کے لیے ریزرو پورشن 1,485.52 بار سبسکرائب کیا گیا۔ اس کے علاوہ خوردہ سرمایہ کاروں کے لیے ریزرو پورشن 715.05 گنا سبسکرائب کیا گیا۔ اس آئی پی او کے ذریعے 32.64 لاکھ نئے شیئر جن کی قیمت 10 روپے ہے جاری کی گئی ہے۔ کمپنی اس آئی پی او کے ذریعے جمع ہونے والی رقم کو ورکنگ کیپیٹل کی ضروریات کو پورا کرنے، پرائیویٹ لمیٹڈ کمپنی خریدنے اور عام کارپوریٹ مقاصد کے لیے استعمال کرے گی۔
اگر ہم فیب ٹیک ٹیکنالوجیزکلین رومز لمیٹڈ کی مالی حالت پر نظر ڈالیں تو کمپنی کو 2021-22 میں 3.60 کروڑ روپے کا خالص منافع ہوا تھا۔ اس کے اگلے سال 2022-23 میں کمپنی کا خالص منافع بڑھ کر 7.96 کروڑ روپے تک پہنچ گیا۔ تاہم، 2023-24 میں کمپنی کی آمدنی میں کمی آئی، جس کی وجہ سے اس کا خالص منافع 5.78 کروڑ روپے پر آگیا۔ کمپنی نے اب تک رواں مالی سال کی پہلی ششماہی یعنی اپریل اور ستمبر 2024 کے درمیان 5.40 کروڑ روپے کا خالص منافع کمایا ہے۔ اس مدت کے دوران کمپنی کو 62.23 کروڑ روپے کی آمدنی بھی ہوئی ہے۔
ہندوستھان سماچار
ہندوستان سماچار / محمد شہزاد
