بالی ووڈ اداکارہ اور ایم پی کنگنا رناوت ہمیشہ کسی نہ کسی وجہ سے خبروں میں رہتی ہیں۔ ان کی آنے والی فلم 'ایمرجنسی' جلد ہی سینما گھروں میں ریلیز ہونے والی ہے۔ فلم کے تنازعہ کی وجہ سے ریلیز کی تاریخ پھنس گئی ہے۔ اس دوران کنگنا کو بڑا نقصان اٹھانا پڑا۔ کنگنا کو ممبئی کے پالی ہل علاقے میں اپنا بنگلہ 32 کروڑ روپئے میں بیچنا پڑا۔ تاہم اس دوران انہوں نے ایک لگژری کار بھی خرید لی ہے۔ اس کی قیمت سن کر آپ حیران رہ جائیں گے۔

کنگنا نے ایک لگژری کار رینج روور خریدی ہے۔ اس کی قیمت 3 کروڑ روپئے بتائی جاتی ہے۔ اس موقع پر کنگنا کی کار کلیکشن میں ایک اور لگژری کار کا اضافہ ہوا ہے۔ اپنی خوشی کا اظہار کرتے ہوئے کنگنا نے کار کے ساتھ کچھ تصاویر سوشل میڈیا پر پوسٹ کی ہیں۔ تصویر میں کنگنا سلوار سوٹ پہنے اور ہاتھوں میں پوجا تھالی لیے اپنی لگژری کار کے سامنے کھڑی نظر آرہی ہیں۔ معلومات کے مطابق یہ تصویر ہماچل پردیش میں واقع ان کے گھر کی ہے۔ تصویر میں ان کے ساتھ ایک چھوٹا بچہ بھی نظر آ رہا ہے۔ کنگنا کی فلم 'ایمرجنسی' کے بارے میں بات کرتے ہوئے سنسر بورڈ نے فلم سے 13 سین کاٹ دینے کو کہا ہے۔ فلم میں کنگنا نے اس وقت کی وزیر اعظم اندرا گاندھی کا کردار ادا کیا ہے۔ اس کے علاوہ ناظرین کو کنگنا کے ساتھ ماہیما چودھری، شریاس تلپڑے، ملند سومن اور آنجہانی اداکار ستیش کوشک بھی اہم کرداروں میں دیکھنے کو ملیں گے۔ فلم 'ایمرجنسی' کے تنازعات میں پھنسنے کے بعد کنگنا کو مالی بحران کا سامنا کرنا پڑا۔ اس کے لئے انہیں اپنی ذاتی جائیداد بیچنی پڑی۔ کنگنا نے کہا، 'اگر آپ کو کبھی برا وقت کا سامنا کرنا پڑتا ہے تو آپ پراپرٹی بیچ سکتے ہیں۔' بتایا گیا کہ کنگنا نے یہ پراپرٹی سال 2017 میں 20 کروڑ روپئے میں خریدی تھی۔ خبر یہ ہے کہ اب انہوں نے وہی پراپرٹی 32 کروڑ روپئے میں بیچ دی ہے۔ سال 2019 میں، انہوں نے یہاں منیکرنیکا فلمز کا اپنا پروڈکشن ہاؤس آفس شروع کیا۔ یہ وہی پراپرٹی ہے، جس کا ایک حصہ ممبئی میونسپل کارپوریشن نے 2020 میں منہدم کر دیا تھا۔

ہندوستھان سماچار

ہندوستان سماچار / عبدالواحد