بالی ووڈ میں چند روز قبل ایک بڑا تنازع کھڑا ہوا تھا۔ ارشد وارثی نے ریلیز ہونے والی فلم 'کالکی 2898' میں اداکار پربھاس کے کردار پر اپنی رائے کا اظہار کیا تھا۔ ارشد نے پربھاس کو مبینہ طور پر'جوکر' بھی کہا۔ اس حوالے سے بڑا تنازعہ کھڑا ہو گیا۔ ہندوستانی تفریحی دنیا کے کئی فنکاروں نے ارشد کو اس حوالے سے تنقید کا نشانہ بنایا تھا۔ آخر کار اتنے عرصے بعد ارشد نے اس تنازع پر اپنی خاموشی توڑ دی ہے۔

حال ہی میں آئیفا ایوارڈز 2024 میں بالی ووڈ اداکار ارشد وارثی کے بارے میں دیے گئے بیان پر ارشد نے وضاحت کی۔ ارشد نے کہا، میں نے جو کچھ بھی کہا وہ کالکی کے کردار کے بارے میں تھا جو پربھاس نے 2898 عیسوی میں ادا کیا تھا۔ میں نے ان کے ادا کردہ بھیروا کے کردار کے بارے میں بات کی تھی۔ میں نے ذاتی طور پر ان پر تنقید نہیں کی۔ ہر کسی کا کسی چیز کے بارے میں مختلف نقطہ نظر ہوتا ہے۔

ارشد نے پربھاس کی تعریف کرتے ہوئے مزید کہا، میں نے پربھاس کے کردار کے بارے میں بات کی، میں نے ذاتی طور پر ان پر تنقید نہیں کی، پربھاس نے بار بار ثابت کیا ہے کہ وہ ایک بہترین اداکار ہیں۔ یہ ہم سب جانتے ہیں۔

ہندوستھان سماچار

ہندوستان سماچار / نثار احمد خان