لاس اینجلس، 13 اگست (ہ س)۔ امریکہ کے جنوبی کیلیفورنیا میں پیر کی دو پہر آنے والے زلزلے سے لاکھوں افراد متاثر ہوئے۔ امریکی جیولوجیکل سروے کے مطابق ریکٹر اسکیل پر زلزلے کی شدت 4.4 تھی۔ اس دوران کہیں سے بھی کسی بڑے نقصان کی اطلاع نہیں ملی۔
نیویارک ٹائمز کی رپورٹ کے مطابق، زلزلہ رات 12:20 پر آیا۔ اس کا مرکز لاس اینجلس کے مرکز سے تقریباً پانچ میل شمال مشرق میں پاساڈینا کے بالکل باہر تھا۔ سیسمولوجسٹ سوسن ہف نے کہا ”وہ زلزلے کے وقت پاساڈینا میں کیلیفورنیا انسٹی ٹیوٹ آف ٹیکنالوجی کے کیمپس میں تھیں۔یہ واضح طور پر حیران کن جھٹکا تھا۔“
ریاستہائے متحدہ کے جیولوجیکل سروے کے مطابق، اس کے بعد 2.1 شدت کے دو آفٹر شاکس آئے۔ یہ جھٹکا 100 میل سے زیادہ دور بیکرز فیلڈ، سان ڈیاگو اور جوشوا ٹری نیشنل پارک میں محسوس کیا گیا۔ اس زلزلے کا مرکز لاس اینجلس کے شمال مشرقی علاقے ایل سیرینو میں تھا۔
ہندوستھا ن سماچار
ہندوستان سماچار / محمد شہزاد
