گیارہ ریاستوں کی 93 نشستوں پر عام انتخابات کے تیسرے مرحلے کے لیے ووٹنگ جاری

نئی دہلی، 7 مئی (ہ س)۔ ملک میں عام انتخابات کے تیسرے مرحلے کے لیے آج صبح 7 بجے سے 11 ریاستوں کی 93 سیٹوں پر ووٹنگ شروع ہوئی۔ اس مرحلے میں کل 1331 امیدوار میدان میں ہیں۔ ووٹنگ شام 6 بجے تک جاری رہے گی۔ تاہم کچھ لوک سبھا سیٹوں پر ووٹنگ شام 4 بجے ختم ہو جائے گی۔ آج 10 مرکزی وزراء اور 4 سابق وزرائے اعلیٰ سمیت کئی قدآوروں کی ساکھ داؤ پر لگی ہوئی ہے۔ مغربی بنگال کے کئی پولنگ اسٹیشنوں پر صبح سے ہی لوگوں کی لمبی قطاریں لگی ہوئی ہیں۔

آج اتر پردیش کی 10، گجرات کی 25، کرناٹک کی 14، مہاراشٹر کی 11، مدھیہ پردیش کی نو، آسام کی چار، بہار کی پانچ، چھتیس گڑھ کی سات، مغربی بنگال کی چار، دمن دیو اور دادرا اور نگر حویلی کی دو نشستوں پر ووٹنگ ہو رہی ہے۔ مغربی بنگال میں ووٹنگ شروع ہونے سے پہلے ہی قطاریں لگنا شروع ہوگئیں۔ ایسا ہی منظر جانی پور اور مرشد آباد میں دیکھنے کو ملا۔

ہندوستھان سماچار

/شہزاد