لکھنو، 07 مئی (ہ س)۔
وزیراعلیٰ یوگی آدتیہ ناتھ نے انتخابی مہم پر روانہ ہونے سے قبل منگل کو اپنی سرکاری رہائش گاہ پر میڈیا سے بات کی۔ اس دوران کانگریس ، ایس پی ، آر جے ڈی سمیت انڈیا اتحاد کی تمام پارٹیاں وزیر اعلیٰ کے نشانے پر تھیں۔ انہوں نے ایس پی لیڈر رام گوپال یادو اور آر جے ڈی سربراہ لالو یادو کے بیانات پر بھی تنقید کی۔ یوگی نے کہا کہ سماج وادی پارٹی-کانگریس کا کردار ہندو اوررام مخالف ہے۔
قابل ذکر ہے کہ سماج وادی پارٹی کے قومی جنرل سکریٹری رام گوپال یادو نے رام مندر کے معاملے پر ایک متنازعہ بیان دیا ہے۔ انہوں نے کہا کہ رام مندر کا نقشہ درست نہیں ہے۔ وہ مندر بیکار ہے۔ مندر اس طرح نہیں بنتا۔ وزیر اعلی یوگی نے اپنے بیان پر جوابی حملہ کیا ہے۔وزیر اعلیٰ یوگی نے کہا کہ یہ وہ لوگ ہیں جو رام بھکتوں پر گولی چلا رہے ہیں ، شری رام کے وجود سے انکار کر رہے ہیں اور مریادا پربھو شری رام کی خدائی کو چیلنج کر رہے ہیں۔ یہ بھارت کی آستھا،بھارت کے قومی ہیروز کا احترام کرسکیں اور آزادی کی تحریک میں اپنا حصہ ڈالنے والے عظیم مجاہدین آزادی کےلئے عقیدت رکھ سکیں۔ ان لوگوں سے ایسی توقع رکھنا بے معنی ہے۔
وزیر اعلیٰ نے مزید کہا کہ کانگریس ، ایس پی ، ڈی ایم کے ، آر جے ڈی ، نیشنل کانفرنس سب ایک ہی تھیلے سے ہیں۔ یہ لوگ ہمیشہ ایودھیا میں رام مندر کی مخالفت کرتے رہے ہیں۔ ان کے جذبات ہندوو¿ں اور ہندوستان کے عقیدے کے خلاف ہیں۔ ان کا کردار ایسا ہے جو خوشامد کی پالیسی کو پروان چڑھاتا ہے۔ دہشت گردی کے یہ حامی مریادا پرشوتم شری رام کے نظریات کے خلاف برتاو¿ کرتے رہے ہیں۔ ایسے لوگوں سے اس سے زیادہ کسی چیز کی توقع نہیں کی جا سکتی ، لیکن انہیں یہ بتانا چاہیے کہ خدائی اختیار کو چیلنج کرنے کا مطلب تباہی ہے۔ عوام ان کے اصل کردار کو سمجھ رہی ہے۔
ہندوستھان سماچار
