نئی دہلی، 06 مئی ( ہ س)۔ آج گلوبل مارکیٹ سے مضبوط رجحانات نظر آرہے ہیں۔ گزشتہ سیشن کے دوران امریکی مارکیٹ میں تیزی کا ماحول قائم رہا۔ ڈاو جونز فیوچرز بھی اس وقت مضبوطی کے ساتھ کاروبار کر رہا ہے۔ اسی طرح یورپی بازار بھی گزشتہ سیشن کے دوران اضافے کے ساتھ کاروبار کے بعد بند ہوئے۔ ایشیائی بازاروں میں بھی آج عام طور پر تیزی قائم ہے۔

امریکی مارکیٹ میں گزشتہ سیشن کے دوران جوش و خروش کا ماحول قائم رہا،جس کی وجہ سے وال اسٹریٹ کے تینوں انڈیکس مضبوطی کے ساتھ بند ہونے میں کامیاب رہے۔ ڈاو جونز 450 پوائنٹس کی چھلانگ کے ساتھ بند ہوا۔ اسی طرح ایس اینڈ پی 500 انڈیکس نے 1.26 فیصد کے اضافے کے ساتھ 5,127.79 پوائنٹس پر گزشتہ سیشن کے کاروبار کا اختتام کیا۔ اس کے علاوہ نیس ڈیک 308.14 پوائنٹس یعنی 1.95 فیصد اضافے کے ساتھ 16,149.10 پوائنٹس کی سطح پر بند ہوا۔ ڈاو جونز فیوچرز بھی اس وقت 0.08 فیصد اضافے کے ساتھ 38,706.16 پوائنٹس کی سطح پر تجارت کر رہا ہے۔

امریکی مارکیٹ کی طرح یورپی مارکیٹ میں بھی گزشتہ سیشن کے دوران تیزی رہی۔ ایف ٹی ایس ای انڈیکس 0.50 فیصد اضافے کے ساتھ 8,213.49 پوائنٹس پر بند ہوا۔ اسی طرح، سی اے سی انڈیکس نے 0.54 فیصد چھلانگ لگا کر 7,957.57 پوائنٹس کی سطح پر آخری سیشن کا کاروبار ختم کیا۔ اس کے علاوہ ڈی اے ایکس انڈیکس 105.10 پوائنٹس یعنی 0.58 فیصد اضافے کے ساتھ 18,001.60 پوائنٹس کی سطح پر بند ہوا۔

ایشیائی مارکیٹ میں بھی آج عام طور پر تیزی قائم ہے۔ ایشیا کے 9 بازاروں میں سے 5 کے انڈیکس اضافے کے ساتھ سبز نشان میں کاروبار کر رہے ہیں، جبکہ 1 انڈیکس کمی کے ساتھ سرخ نشان پر ہے۔ نکیئی انڈیکس، کوسپی انڈیکس اورسیٹ کمپوزٹ انڈیکس میں آج کاروبار نہیں ہو رہا ہے ۔ اب تک کے کاروبار میں ایشیائی بازاروں میں واحد ہینگ سینگ انڈیکس 0.05 فیصد کی معمولی کمزوری کے ساتھ 18,466.91 پوائنٹس کی سطح پر کاروبار کر رہا ہے۔

دوسری طرفگفٹ نفٹی 0.04 فیصد کی مضبوطی کے ساتھ 22,589 پوائنٹس کی سطح پرکاروبار کر رہا ہے۔ اسی طرح اسٹریٹ ٹائم انڈیکس 0.26 فیصد اضافے کے ساتھ 3,301.50 پوائنٹس کی سطح پر پہنچ گیا ہے۔ تائیوان ویٹڈ انڈیکس نے آج زبردست چھلانگ لگائی۔ اس وقت یہ انڈیکس 204.18 پوائنٹس یا 1 فیصد کی مضبوطی کے ساتھ 20,534.50 کی سطح پر کاروبار کر رہا ہے۔ اسی طرح شنگھائی کمپوزٹ انڈیکس 1.04 فیصد اضافے کے ساتھ 3137.36 پوائنٹس کی سطح پر پہنچ گیا۔ اس کے علاوہ جکارتہ کمپوزٹ انڈیکس 0.26 فیصد اضافے کے ساتھ 7,152.97 پوائنٹس کی سطح پر کاروبار کر رہا ہے۔

ہندوستھان سماچار