مضبوط شروعات کے بعد بازار میں گراوٹ، فروخت کے دباو کی وجہ سے نفٹی سرخ نشان میں پہنچا

نئی دہلی، 6 مئی (ہ س)۔ گھریلو شیئر بازار آج دباو میں کاروبار کرتا نظر آرہا ہے۔ مضبوط عالمی اشاروں کی حمایت کی وجہ سے بازار آج مضبوطی کے ساتھ کھلا۔ لیکن کچھ دیر بعد فروخت کے دباو کی وجہ سے شیئر مارکیٹ کے دونوں انڈیکس گر گئے۔ کاروبار کے پہلے گھنٹے کے بعد سینسیکس 0.28 فیصد اور نفٹی 0.10 فیصد کی کمزوری کے ساتھ کاروبار کر رہے تھے۔

شروعاتی ساٹھ منٹ کا کاروبار ہونے کے بعد شیئر مارکیٹ کے بڑے شیئروں میں کوٹک مہندرا، برٹانیہ، ٹی سی ایس، انفوسس اور مہندرا اینڈ مہندرا کے شیئر 4.50 فیصد سے لیکر 1.27 فیصد کے اضافے کے ساتھ کاروبار کر رہے تھے۔ دوسری طرف ٹائٹن کمپنی، اڈانی انٹرپرائزز، کول انڈیا، اڈانی پورٹس اور او این جی سی کے شیئرس 6.79 فیصد سے لیکر 3.43 فیصد کی گراوٹ کے ساتھ کاروبار کرتے نظر آرہے تھے۔

موجودہ کاروبار میں نیشنل اسٹاک ایکسچینج میں 2,167 شیئروں میں ایکٹیو ٹریڈنگ ہورہی تھی۔ ان میں سے 498 شیئرس منافع کماکر سبز نشان میں جبکہ 1,669 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 16 شیئرس خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 14 حصص سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 21 شیئر سبز نشان میں اور 29 شیئرس سرخ نشان میں کاروبار کرتے نظر آرہے تھے۔

بی ایس ای کے سینسیکس نے آج 318.53 پوائنٹس کے اضافے کے ساتھ 74,196.68 پوائنٹس کی سطح پر کاروبار شروع کیا۔ جیسے ہی بازار کھلا، یہ انڈیکس خریداری کے سہارے چھلانگ لگا کر 74,359.69 پوائنٹس تک پہنچ گیا۔ لیکن اس کے بعد مارکیٹ میں فروخت کا دباو رہا، جس کی وجہ سے انڈیکس میں کمی ہوئی۔ مارکیٹ میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 209.75 پوائنٹس کے اضافے کے ساتھ 74,087.90 پوائنٹس پر کاروبار کر رہا تھا۔

سینسیکس کی طرح این ایس ای کا نفٹی بھی 85.75 پوائنٹس کے اضافے کے ساتھ آج 22,561.60 پر کھلا۔ کاروبار کی شروعات ہوتے ہی خریداری شروع ہونے کی وجہ سے یہ انڈیکس 22,588.80 تک پہنچ گیا ۔ لیکن اس کے بعد منافع وصولی کی وجہ سے شروع ہوئی فروخت کی وجہ سے یہ انڈیکس کچھ ہی عرصے میں سرخ نشان میں چلا گیا۔ مارکیٹ میں مسلسل خرید و فروخت کے درمیان پہلے ایک گھنٹے کی تجارت کے بعد صبح 10:15 بجے نفٹی 23.25 پوائنٹس کی کمزوری کے ساتھ 22,452.60 پوائنٹس کی سطح پر کاروبار کر رہا تھا۔

ہندوستھان سماچار

/شہزاد