شملہ/نئی دہلی، 05 مئی (ہ س)۔ ہندوستان کی صدرجمہوریہ دروپدی مرمو نے سابق صدر گیانی زیل سنگھ کو ان کی یوم پیدائش پر خراج عقیدت پیش کیا۔ اتوار کو، انہوں نے گیانی زیل سنگھ کو ہماچل پردیش کے مشوبرا (چھربرہ) میں واقع راشٹرپتی بھون میں گیانی زیل سنگھ کی تصویر پر پھول چڑھا کر خراج عقیدت پیش کیا۔

گیانی زیل سنگھ ہندوستان کے ساتویں صدر تھے۔ گیانی زیل سنگھ، 5 مئی 1916 کو پیدا ہوئے، 25 جولائی 1982 سے 25 جولائی 1987 تک ہندوستان کے صدر رہے۔ ان کا انتقال 25 دسمبر 1994 کو ہوا۔

قابل ذکر ہے کہ ہندوستان کے صدر 5 روزہ سرکاری دورے پر ہماچل پردیش گئی ہیں۔ ہماچل پردیش میں شملہ کے قریب چھربرا میں صدارتی رہائش گاہ ہے جہاں صدر اپنی چھٹیوں کے دوران قیام کرتے ہیں۔ صدر مرمو اپنے 5 روزہ قیام کے دوران کئی تقاریب اور پروگرام میں شرکت کریں گی۔

ہندوستھان سماچار