- 23 ممالک کے 75 نمائندے 'جمہوریت کا عظیم تہوار' دیکھنے کے لیے بھارت میں ہیں

نئی دہلی، 5 مئی (ہ س)۔ 23 ممالک کے 75 مندوبین انٹرنیشنل الیکشن وزیٹر پروگرام (آئی ای وی پی) کے حصے کے طور پر بھارت کے عام انتخابات کا مشاہدہ کرنے کے لیے آئے ہوئے ہیں۔ اس پروگرام کا افتتاح اتوار کو نئی دہلی میں چیف الیکشن کمشنر راجیو کمار اور الیکشن کمشنروں گیانش کمار اور سکھبیر سنگھ سندھو کی موجودگی میں کیا گیا۔

چیف الیکشن کمشنر راجیو کمار نے مندوبین سے خطاب کرتے ہوئے کہا کہ بھارت کے انتخابات اور الیکشن کمیشن کی کوششیں دنیا کے جمہوری میدان میں ایک اہم مقام رکھتی ہیں۔ یہ عمل اور کارکردگی کے لحاظ سے بہت اہم ہے۔ انہوں نے کہا کہ بھارتی خطہ منفرد ہے۔ یہاں انتخابی رجسٹریشن اور ووٹنگ دونوں لازمی نہیں ہیں۔ اس صورتحال میں الیکشن کمیشن کو پوری طرح ایک محرک کے طور پر کام کرنا ہوگا۔ شہریوں کو رضاکارانہ طور پر ووٹر لسٹ کا حصہ بننے کی دعوت دینا اور پھر انہیں منظم ووٹر بیداری پروگراموں کے ذریعے اپنا حق رائے دہی استعمال کرنے کی ترغیب دینا اہمیت کا حامل ہوتا ہے۔

تقریب کے موقع پر کمیشن نے قازقستان، ازبکستان اور نیپال کے چیف الیکشن کمشنروں اور ان کے وفود سے دو طرفہ بات چیت بھی کی۔ اس سے پہلے دن میں، مندوبین کو بھارت کے عام انتخابات 2024 کے مختلف پہلوؤں بشمول ای وی ایم، آئی ٹی اور وی وی پیٹ جیسے اقدامات نیز میڈیا اور سوشل میڈیا کے کردار کے بارے میں بتایا گیا۔

ہندوستھان سماچار/ عبد الواحد