نئی دہلی، 2 مئی (ہ س)۔ جمعرات کو کرپٹو کرنسی مارکیٹ میں خریداری کا رجحان دکھائی دے رہا ہے۔ مارکیٹ کیپ کے لحاظ سے ٹاپ 10 میں شامل تمام کرپٹو کرنسیاں آج فوائد کے ساتھ گرین زون میں ہیں۔ دنیا کی سب سے بڑی کرپٹو کرنسی بٹ کوائن آج 58 ہزار ڈالر کی سطح کو عبور کر گئی۔ دوسری سب سے بڑی کرپٹو کرنسی ایتھیریم کی قیمت میں بھی آج 3 فیصد سے زیادہ اضافہ ہوا ہے۔

ہندوستان میں کرپٹو کرنسی کی تجارت کے لیے مجاز ایجنسی کرپٹو کوائن کے مطابق ، بٹ کوائن 0.68 فیصد کی مضبوطی کے ساتھ 58,135.80 یعنی 48.52 لاکھ روپئے کی سطح پر کاروبار کر رہا تھا۔ اسی طرح ایتھیریم کی قیمت بھی آج 3.58 فیصد بڑھ کر 2,996.86 ڈالر کی سطح پر پہنچ گئی۔

عالمی مارکیٹ کیپ میں اضافے کے ساتھ، گزشتہ 24 گھنٹوں کے دوران کرپٹو کرنسیوں کے لین دین میں بھی اضافہ ہوا ہے۔ اس مدت کے دوران، کل 8,670 کروڑ ڈالر یعنی 7.24 لاکھ کروڑ روپئے مالیت کی کرپٹو کرنسی کا لین دین ہوا، جو ایک دن پہلے کے مقابلے میں 16.37 فیصد زیادہ ہے۔ قیمت میں اضافے کے باوجود کرپٹو کرنسی مارکیٹ میں اس ورچوئل کرنسی کی پوزیشن ٹریڈنگ کے گزشتہ 24 گھنٹوں کے دوران 0.59 فیصد تک کمزور ہوئی ہے جس کی وجہ سے اس کا مارکیٹ شیئر 52.42 فیصد تک آ گیا ہے۔

ہندوستھان سماچار/ عبد الواحد