نئی دہلی، 2 مئی (ہ س)۔ قازقستان کے شہر آستانہ میں جاری ایشین یوتھ باکسنگ چیمپئن شپ کے انڈر 22 زمرے میں چار ہندوستانی باکسر منڈینگ بام جدومنی سنگھ، نکھل، اجے کمار اور انکش جمعرات کو سیمی فائنل میں داخل ہوئے۔

جدومنی نے 51 کلوگرام زمرے کے کوارٹر فائنل میچ میں بھوٹان کے پھنٹشو کنلی کو 0-5 سے شکست دے کر سیمی فائنل میں داخلہ لیا۔

نکھل (57 کلوگرام) نے بھی ایسا ہی غلبہ دکھایا اور ازبکستان کے بختیاروف ایوب خان کو 0-4 سے شکست دی۔

اجے (63.5 کلوگرام) اور انکش (71 کلوگرام) نے ریفری اسٹاپ دی کانٹیسٹ (آر ایس سی) کے فیصلے سے اپنے اپنے مقابلے جیتے۔ اجے نے پہلے راؤنڈ میں ہی منگولیا کے دمدیندورج پی کے خلاف اپنا میچ جیتا تھا، جبکہ انکش نے تیسرے راؤنڈ میں کوریا کے لی جو سانگ کے خلاف اپنا میچ جیتا تھا۔

اس دوران آشیش کو مردوں کے 54 گرام زمرے کے کوارٹر فائنل میں منگولیا کے اویون ایرڈن ای کے خلاف 3-2 سے شکست کا سامنا کرنا پڑا۔

انڈر 22 کا سیمی فائنل جمعہ کو کھیلا جائے گا جس میں 10 مردوں سمیت 22 بھارتی باکسر حصہ لیں گے۔

بدھ کی رات دیر گئے، آرین (92 کلوگرام)، نشا (52 کلوگرام)، اکانکشا فالسوال (70 کلوگرام) اور رودریکا (75 کلوگرام) نے نوجوانوں کے زمرے میں اپنے اپنے کوارٹر فائنل میں کامیابی حاصل کی۔

مردوں کے زمرے میں برجیش ٹمٹا (48 کلوگرام)، آرین (51 کلوگرام)، ساگر جاکھڑ (60 کلوگرام)، یشوردھن سنگھ (63.5 کلوگرام)، سمیت (67 کلوگرام)، پریانشو (71 کلوگرام)، راہول کنڈو (75 کلوگرام) ، ساحل (80 کلوگرام)، آرین (92 کلوگرام) اور لکشیا راٹھی (92 کلوگرام) مقابلہ کریں گے۔

خواتین کے زمرے کے سیمی فائنل میں انو (48 کلوگرام)، لکشمی (50 کلوگرام)، نشا (52 کلوگرام)، تمنا (54 کلوگرام)، یاتری پٹیل (57 کلوگرام)، نکیتا چند (60 کلوگرام)، شروتی ساٹھے (63 کلوگرام)، پارتھوی گریوال (66 کلوگرام)، اکانشا (70 کلوگرام)، رودریکا (75 کلوگرام)، خوشی پونیا (81 کلوگرام) اور نیرجھارا بانا (81 کلوگرام) حصہ لیں گی۔

ہندوستھان سماچار