نئی دہلی، 02 مئی (ہ س)۔

ریزرو بینک آف انڈیا (آر بی آئی) نے جمعرات کو کہا کہ 2000 روپے کے نوٹوں میں سے 97.76 فیصد بینکنگ سسٹم میں واپس آچکے ہیں۔ ریزرو بینک نے کہا کہ فی الحال صرف 7,961 کروڑ روپے کے نوٹ ہی عوام کے پاس ہیں۔ تاہم، 2000 روپے کا نوٹ اب بھی درست ہے۔

آر بی آئی کی طرف سے جاری ایک بیان میں کہا گیا ہے کہ 19 مئی 2023 کو 2000 روپے کے نوٹوں کو واپس لینے کے اعلان کے وقت مارکیٹ میں موجود 2000 روپے کے نوٹوں کی قیمت 3.56 لاکھ کروڑ روپے تھی۔ آر بی آئی کے مطابق 30 اپریل 2024 کو مارکیٹ میں صرف 7,961 کروڑ روپے کے نوٹ ہی دستیاب ہیں۔ اس طرح 2000 روپے کے 97.76 فیصد نوٹ بینکنگ سسٹم میں واپس آچکے ہیں۔

مرکزی بینک نے کہا کہ 2000 روپے کا نوٹ اب بھی درست ہے۔ لوگ ملک بھر میں آر بی آئی کے 19 دفاتر میں 2,000 روپے کے نوٹ جمع کر سکتے ہیں یا دوسرے نوٹوں کے لیے تبدیل کر سکتے ہیں۔ ریزرو بینک کے مطابق، عوام بھارتی ڈاک کے ذریعے 2000 روپے کے نوٹ کسی بھی آر بی آئی کے دفتر میں بھیج سکتے ہیں اور اس کے برابر رقم اپنے بینک کھاتوں میں جمع کر سکتے ہیں۔

ہندوستھان سماچار