گلیوٹ نالے میں بہہ جانے والے سورج گوسوامی کا کوئی سراغ نہیں

ادھم پور، 30 اپریل (ہ س)۔ گلیوٹ میں نالہ عبور کرتے ہوئے موٹر سائیکل سوار دو نوجوان پانی کے تیز بہاؤ کی زد میں آکر بہہ گئے۔ اس دوران ایک نوجوان نے کسی طرح پانی سے باہر آکر جان بچائی جبکہ دوسرے نوجوان کا تاحال کوئی سراغ نہیں مل سکا۔

پولیس اور نوجوان کے اہل خانہ اس کی تلاش میں مصروف ہیں۔ تفصیلات کے مطابق سورج گوسوامی انل کمار جو پی ٹی سی کے پاس رہتے ہیں، کل شام بائک پر سوار ہو کر کسی کے گھر جا رہے تھے اور جیسے ہی وہ گلیوٹ کے قریب پہنچے اور وہاں موجود نالے کو عبور کرنے لگے تو اچانک پانی کی بڑی مقدار آ گئی اور وہ اور اس کی موٹر سائیکل بہہ گئے۔ انل کسی طرح تیر کر باہر نکلا اور شور مچایا۔ جیسے ہی مقامی لوگوں کو اس کا علم ہوا انہوں نے پنچھیری پولیس کو اطلاع دی اور خود اس کی تلاش شروع کردی لیکن ابھی تک اس کا کوئی سراغ نہیں ملا۔ اس کے گھر والوں کی حالت خراب ہے اور رو رہے ہیں۔

ہندوستھان سماچار

/شہزاد