کولکاتا، 30 اپریل (ہ س)۔ مرکزی وزیر داخلہ اور سینئر بی جے پی لیڈر امت شاہ نے منگل کو مغربی بنگال میں اپنے دوسرے جلسہ عام سے خطاب کرتے ہوئے وزیر اعلیٰ ممتا بنرجی پر سخت حملہ کیا۔ شاہ نے الزام لگایا کہ مغربی بنگال کی وزیر اعلیٰ ممتا بنرجی نے ایودھیا میں رام مندر کی افتتاحی تقریب میں شرکت نہیں کی کیونکہ وہ اپنے ووٹ بینک کو ناراض کرنے سے ڈرتی تھیں۔ انہیں خوش کرنے کے لیے وہ ہندو عقیدے کی توہین کرتی ہے۔

ریلی سے خطاب کرتے ہوئے امت شاہ نے کہا کہ اس بار لوک سبھا انتخابات فیصلہ کرنے والے ہیں کہ لوگ ملک میں خاندانی راج چاہتے ہیں یا رام راجیہ۔ انہوں نے کہا کہ ممتا بنرجی اور ترنمول لیڈران نے رام مندرکے پروگرام میں شرکت نہیں کی کیونکہ انہیں خدشہ تھا کہ درانداز، جو ان کی پارٹی کا ووٹ بینک ہیں، ناراض ہو جائیں گے۔

امیت شاہ نے کہا، یہ انتخاب یہ فیصلہ کرنے کے بارے میں بھی ہے کہ آیا آپ ان کے بھتیجے (ترنمول لیڈر ابھیشیک بنرجی) کو بنگال کا وزیر اعلیٰ چاہتے ہیں یا نریندر مودی کو ہندوستان کا وزیر اعظم بنانا چاہتے ہیں۔ ممتا بنرجی اور ان کا بھتیجا بی جے پی کارکنوں کو اتنا ہی ستا سکتے ہیں جتنا وہ چاہتے ہیں، لیکن مغربی بنگال کے لوگ ترنمول کی خوشامد اور بدعنوانی کے خلاف متحد ہو گئے ہیں، یہ بھی الزام ہے کہ ترنمول مجرموں کی حفاظت کر رہی ہے، لیکن بی جے پی اسے سزا دے گی۔

ہندوستھان سماچار