خام تیل میں گراوٹ کے باوجود پٹرول اور ڈیزل کی قیمتوں میں کمی نہیں

نئی دہلی، 30 اپریل (ہ س)۔ بین الاقوامی بازار میں خام تیل کی قیمتوں میں گراوٹ کا سلسلہ جاری ہے۔ برینٹ کروڈ کی قیمت تقریباً 89 ڈالر اور ڈبلیو ٹی آئی کروڈ کی قیمت تقریباً 83 ڈالر فی بیرل ہے۔ سرکاری شعبے کی تیل اور گیس کی مارکیٹنگ کمپنیوں نے منگل کو پٹرول اور ڈیزل کی قیمتوں میں کوئی تبدیلی نہیں کی ہے۔

انڈین آئل کی ویب سائٹ کے مطابق دہلی میں پٹرول کی قیمت 94.72 روپے جبکہ ڈیزل 87.62 روپے، ممبئی میں پٹرول 104.21 روپے جبکہ ڈیزل 92.15 روپے، کولکاتا میں پٹرول 103.94 روپے جبکہ ڈیزل 90.76 روپے، چنئی میں پٹرول 100.75 روپے جبکہ ڈیزل 92.34 فی لیٹر پر دستیاب ہے۔

بین الاقوامی مارکیٹ میں اس ہفتے کے دوسرے دن ابتدائی تجارت میں برینٹ کروڈ 0.02 ڈالر یعنی 0.02 فیصد کی کمی کے ساتھ 88.38 ڈالر فی بیرل پر کاروبار کر رہا ہے۔ وہیں ویسٹ ٹیکساس انٹرمیڈیٹ (ڈبلیو ٹی آئی) کروڈ 0.07 ڈالر یعنی 0.08 فیصد کمی کے ساتھ 82.56 ڈالر فی بیرل پر کاروبار کر رہا ہے۔

ہندوستھان سماچار

/شہزاد