نئی دہلی، 29 اپریل (ہ س)۔ بھارتیہ جنتا پارٹی (بی جے پی) کے سینئر رہنما اور وزیر اعظم نریندر مودی آج دو ریاستوں کرناٹک اور مہاراشٹر کے انتخابی دورے پر رہیں گے۔ عام انتخابات میں بی جے پی کے لیے زوردار مہم، عوامی جلسے اور روڈ شو کر رہے وزیر اعظم مودی 400 پار کے اپنے عزم کو پورا کرنے کے لیے ووٹروں سے آشیرواد مانگیں گے۔ بی جے پی نے وزیر اعظم نریندر مودی کے آج کے انتخابی دورے کا شیڈول ایکس ہینڈل پر شیئر کیا ہے۔

بی جے پی کے ایکس ہینڈل کے مطابق وزیر اعظم مودی آج سب سے پہلے کرناٹک کے باگل کوٹ میں 12.15 بجے بی جے پی کے جلسہ عام سے خطاب کریں گے۔ یہاں سے وزیر اعظم مہاراشٹر کے لیے روانہ ہوں گے۔ وہ سب سے پہلے مہاراشٹر کے سولاپور کے لوگوں کے درمیان جائیں گے۔ وزیر اعظم 2:15 بجے سولاپور میں بھارتیہ جنتا پارٹی کے جلسہ عام سے خطاب کریں گے۔ اس کے بعد وزیر اعظم ستارہ پہنچیں گے۔ ان کا جلسہ یہاں شام ساڑھے چار بجے ہونا ہے۔ آخر میں وزیر اعظم مودی پونے پہنچیں گے۔ وہ شام 6.30 بجے یہاں بھارتیہ جنتا پارٹی کے ایک بہت بڑے جلسہ عام سے خطاب کریں گے۔

ہندوستھان سماچار//سلام