سویپ الیون کی ٹیم نے 13 رنوں سے جیتا کرکٹ میچ، ڈسٹرکٹ مجسٹریٹ مین آف دی میچ بنے

بارہ بنکی، 24 اپریل (ہ س)۔ لوک سبھا عام انتخابات 2024 کے تحت ووٹر بیداری پروگرام ’’سویپ‘‘ کے تحت نائٹ کرکٹ میچ کا کھیلا گیا۔ سفید آباد واقع دی این سے اسکول کے گراونڈ میں بدھ کی رات ڈی ایم الیون بنام سویپ الیون ٹیموں کے درمیان کھیلا گیا میچ کافی دلچسپ رہا۔ اس میں کھیل جذبے کے ساتھ ساتھ ووٹروں کو زیادہ سے زیادہ ووٹنگ کے لیے آمادہ کیا گیا۔

کرکٹ کا آغاز ٹاس اچھال کر ہوا۔ سویپ الیون ٹیم کی کپتان جوائنٹ مجسٹریٹ کاویہ نے ٹاس جیت کر پہلے بلے بازی کا فیصلہ کیا۔ ان کی ٹیم نے مقررہ 12 اوورز کے میچ میں پانچ وکٹوں کے نقصان پر 100 رن بنائے۔ سویپ الیون ٹیم کی جانب سے ایس پی دنیش کمار نے سب سے زیادہ 35 اور سی ڈی او نے 25 رنوں کا تعاون دیا۔

ہدف کا تعاقب کرنے اتری ڈی ایم الیون ٹیم کی شروعات بہت اچھی رہی۔ ڈی ایم ستیندر کمار نے چھکے اور چوکے لگا کر شاندار شروعات کی۔ لیکن بعد میں رنوں کی رفتار کم ہوگئی اور دو وکٹیں گنوانے کے بعد ڈی ایم الیون کی ٹیم 87 رنوں پر ڈھیر ہوگئی اور سویپ الیون کی ٹیم نے 13 رنوں سے میچ جیت لیا۔ میچ میں شکست کے باوجود ڈی ایم ستیندر کمار نے ناٹ آوٹ 53 رنوں کا اسکور اپنی ٹیم کے لیے جوڑنے کے سبب انہیں میچ آف دی میچ سے نوازا گیا۔ دیر رات تک جاری رہنے والے میچ سے آفیشلز اور دیگر موجود افراد خوب لطف اندوز ہوئے۔

ہندوستھان سماچار

/شہزاد