سرمایہ کاروں نے ایک دن میں 1.78 لاکھ کروڑ روپے کمائے

نئی دہلی ، 24 اپریل (ہ س)۔

مقامی شیئر بازار بدھ کو مسلسل چوتھے کاروباری دن مضبوطی کے ساتھ بند ہوا۔ تاہم آج کی ٹریڈنگ کے دوران خریدار اور فروخت کنندگان نے ایک دوسرے پر غلبہ حاصل کرنے کی کوشش جاری رکھی جس کی وجہ سے مارکیٹ کی نقل و حرکت میں مسلسل اتار چڑھاو¿ رہا۔ پورے دن کی تجارت کے بعد، سینسیکس 0.16 فیصد اور نفٹی 0.15 فیصد کے اضافے کے ساتھ بند ہوا۔آج دن کے کاروبار کے دوران فارماسیوٹیکل ، دھات اور صنعتی شعبوں کے حصص میں سب سے زیادہ خرید و فروخت ہوئی۔ اسی طرح پبلک سیکٹر انٹرپرائز اور انفراسٹرکچر انڈیکس بھی اضافے کے ساتھ بند ہوئے۔ دوسری جانب آٹوموبائل ، آئی ٹی اور ٹیلی کمیونیکیشن سیکٹرز کے حصص میں کمی کا رجحان جاری رہا۔ وسیع بازار میں آج مسلسل خریدار رہی ، جس کی وجہ سے بی ایس ای مڈ کیپ انڈیکس 0.92 فیصد اضافے کے ساتھ بند ہوا۔ اسی طرح، سمال کیپ انڈیکس نے آج کا کاروبار 0.79 فیصد اضافے کے ساتھ ختم کیا۔

آج مارکیٹ کی مضبوطی کی وجہ سے اسٹاک مارکیٹ کے سرمایہ کاروں کی دولت میں 2.25 لاکھ کروڑ روپے سے زیادہ کا اضافہ ہوا ہے۔ آج کی ٹریڈنگ کے بعد بی ایس ای لسٹڈ کمپنیوں کی مارکیٹ کیپٹلائزیشن بڑھ کر 401.42 لاکھ کروڑ روپے (عارضی) ہو گئی۔ آخری تجارتی دن یعنی منگل کو ان کی مارکیٹ کیپٹلائزیشن 399.64 لاکھ کروڑ روپے تھی۔ اس طرح سرمایہ کاروں نے آج کی تجارت سے تقریباً 1.78 لاکھ کروڑ روپے کا منافع کمایا۔آج، دن کے کاروبار کے دوران بی ایس ای میں 3,929 حصص میں فعال تجارت ہوئی۔ جن میں سے 2,253 شیئرز کے بھاو¿ اضافہ کے ساتھ بند ہوئے ، 1,561 حصص کی قیمتوں میں کمی جبکہ 115 شیئرز بغیر کسی حرکت کے بند ہوئے۔ این ایس ای میں آج 2,206 حصص میں فعال تجارت ہوئی۔ ان میں سے 1,366 حصص منافع کمانے کے بعد سبز رنگ میں بند ہوئے اور 840 حصص نقصان اٹھانے کے بعد سرخ رنگ میں بند ہوئے۔ اسی طرح سینسیکس میں شامل 30 حصص میں سے 17 حصص اضافے کے ساتھ بند ہوئے اور 13 حصص گراوٹ کے ساتھ بند ہوئے۔ نفٹی میں شامل اسٹاک میں سے 28 اسٹاک سبز نشان میں اور 22 اسٹاک سرخ نشان میں بند ہوئے۔

ہندوستھان سماچار