انٹر میلان نے جیتا اپنا 20 واں سیری اے خطاب

روم، 23 اپریل (ہ س)۔ انٹر میلان نے پیر کو اے سی میلان کو 1-2 سے شکست دے کر اپنا 20 واں سیری اے خطاب جیت لیا۔ دوسری پوزیشن والے اے سی میلان پر 14 پوائنٹس کی آرام دہ برتری اور صرف چھ راونڈ باقی ہونے کے ساتھ، انٹر میلان اپنی 2021 چیمپئن شپ کی کامیابی کو دہرانے کے مقصد سے میدان میں اترا۔

سین سیرو میں کھیلے گئے میچ میں انٹر نے لوٹارو مارٹنیز اور مارکس تھورم کے ساتھ ایک مضبوط لائن اپ کو میدان میں اتارا، جب کہ اے سی میلان نے واحد اسٹرائیکر کی شکل میں رافیل لیو کو جگہ دیتے ہوئے اولیور گرود کو بینچ پر رکھنے کا متبادل چنا۔

میچ کے 18 ویں منٹ میں فیڈریکو ڈی مارکو کے کارنر کو بینجامن پاورڈ نے چالاکی سے فرانسسکو ایسربی کی طرف فلک کیا، جنہوں نے اسے ہیڈ کے ذریعہ گول پوسٹ میں ڈال کر انٹر میلان کا کھاتہ کھول دیا۔ میلان نے ہاف ٹائم تک اپنی 0-1کی سبقت برقرار رکھی۔

ہاف ٹائم کے بعد میچ شروع ہونے کے چوتھے منٹ میں ہی مارکس تھورم نے گول کر کے انٹر میلان کی برتری کو 0-2 سے بڑھا دیا۔

اس کے بعد اے سی میلان نے حملے کو مضبوط کرنے کے لیے گرود اور نواو اوکافور کو میدان میں اتارا اور ان کی کوششیں 80ویں منٹ میں کامیاب ہوئیں، جب ماٹیو گیبیا کا ہیڈر پوسٹ سے ٹکرا گیا،لیکن فیکایو توموری نے اسے نیٹ میں ڈال دیا اور اسکول 1-2 ہوگیا۔ آخر میں یہی اسکور فیصلہ کن ثابت ہوا اور انٹر میلان نے خطاب جیت لیا۔

چوتھی پوزیشن کے لیے سیری اے میں ایک اور اہم میچ میں بولوگنا نے روما پر گھر سے باہر 1-3 سے کامیابی حاصل کی۔

ہندوستھان سماچار

/شہزاد