- فضائیہ کے سخوئی-30 لڑاکا طیارے کے ذریعے میزائل کے پرواز کے راستے کی نگرانی

۔ نربھے میزائل انتہائی کم اونچائی پر بھی دشمن کے ریڈار کو دھوکہ دینے کی صلاحیت رکھتا ہے

نئی دہلی، 18 اپریل (ہ س) ہندوستان نے جمعرات کو طویل فاصلے تک مار کرنے والے مقامی نربھے سبسونک کروز میزائل کا کامیاب تجربہ کرکے ایک بار پھر تاریخ رقم کی ہے۔ میزائل کی پرواز کی نگرانی ہندوستانی فضائیہ کے سخوئی 30 لڑاکا طیارے نے بھی کی۔ یہ میزائل انتہائی کم اونچائی پر بھی دشمن کے ریڈار کو دھوکہ دینے کی صلاحیت رکھتا ہے۔ وزیر دفاع راج ناتھ سنگھ اور ڈی آر ڈی او کے چیئرمین ڈاکٹر سمیر وی کامت نے ڈی آر ڈی او کی پوری ٹیم کو اس کامیابی پر مبارکباد دی ہے۔

ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) نے 18 اپریل کو اوڈیشہ کے ساحل سے دور انٹیگریٹڈ ٹیسٹ رینج (آئی ٹی آر) چاندی پور سے دیسی ٹیکنالوجی کے کروز میزائل کا کامیاب تجربہ کیا۔ اس عرصے کے دوران میزائل کے تمام ذیلی نظاموں نے حسب توقع کارکردگی دکھائی۔ میزائل کی کارکردگی اور اس کی پرواز کے راستے پر نظر رکھنے کے لیے متعدد سینسر جیسے ریڈار، الیکٹرو آپٹیکل ٹریکنگ سسٹم اور ٹیلی میٹری کو میں مختلف مقامات پر تعینات کیا گیا تھا۔ میزائل کی پرواز کی نگرانی ہندوستانی فضائیہ کے لڑاکا طیارے سخوئی 30 ایم کے آئی سے بھی کی گئی۔

ڈی آر ڈی او کے مطابق، تجربے کے دوران میزائل نے پوائنٹ نیویگیشن کا استعمال کرتے ہوئے ہدف تک پہنچنے کے راستے کو فالو کیا اور بہت کم اونچائی پر سمندری اسمنگ فلائٹ کا مظاہرہ کیا۔ اس کامیاب فلائٹ ٹیسٹ نے گیس ٹربائن ریسرچ اسٹیبلشمنٹ (جی ٹی آر ای)، بنگلور میں تیار کردہ دیسی پروپلشن سسٹم کی قابل اعتماد کارکردگی کو بھی ثابت کیا ہے۔ بہتر اور قابل اعتماد کارکردگی کو یقینی بنانے کے لیے میزائل جدید ایویونکس اور سافٹ ویئر سے بھی لیس ہے۔

میزائل کو ایروناٹیکل ڈیولپمنٹ اسٹیبلشمنٹ (اے ڈی ای)، بنگلورو میں ڈی آر ڈی او لیبارٹریز اور ہندوستانی صنعتوں کے تعاون سے تیار کیا گیا ہے۔ اس ٹیسٹ کو ڈی آر ڈی او کی مختلف لیبارٹریوں کے کئی سینئر سائنسدانوں کے ساتھ ساتھ پروڈکشن پارٹنر کے نمائندوں نے بھی دیکھا۔ وزیر دفاع راج ناتھ سنگھ نے میزائل کے کامیاب فلائٹ ٹیسٹ کے لیے ڈی آر ڈی او کو مبارکباد دی ہے۔ انہوں نے کہا کہ مقامی طور پر طویل فاصلے تک مار کرنے والے سبسونک کروز میزائل کی کامیاب ترقی ایک سنگ میل ہے۔ ڈی آر ڈی او کے چیئرمین ڈاکٹر سمیر وی کامت نے بھی ڈی آر ڈی او کی پوری ٹیم کو مبارکباد دی ہے۔

ہندوستھان سماچار/ عبد الواحد