بی جے پی صدر نڈا کا آج آسام میں تین مقامات پر جلسہ عام

نئی دہلی، 18 اپریل (ہ س)۔ بھارتیہ جنتا پارٹی (بی جے پی) کے قومی صدر جے پی نڈا آج آسام میں تین مقامات پر عوامی جلسوں سے خطاب کریں گے۔ وہ بی جے پی کارکنوں اور ووٹروں سے وزیراعظم نریندر مودی کے لوک سبھا انتخابات میں 400 پار کے عہد کو پورا کرنے کی اپیل کریں گے۔ بی جے پی نے صدر جے پی نڈا کے انتخابی دورے کی تفصیلات ایکس ہینڈل پر شیئر کی ہیں۔

بی جے پی کے ایکس ہینڈل کے مطابق جے پی نڈا صبح 11:50 بجے کوکراجھار لوک سبھا حلقہ کے تحت گرین فیلڈ میں ایک جلسہ عام سے خطاب کریں گے۔ اس کے بعد وہ بھیرگاوں-ادلگوری پہنچیں گے۔ یہاں ڈنڈا سہریا ایچ ایس اسپورٹس گراؤنڈ میں دوپہر 1:45 بجے ایک جلسہ عام کریں گے۔ یہاں سے وہ انتخابی مہم کے لیے گوہاٹی لوک سبھا حلقہ پہنچیں گے۔ جے پی نڈا سہ پہر 3:40 بجے ددھنوئی راجوہوا کھالپاتھر میں بی جے پی کے جلسہ عام سے خطاب کریں گے۔

ہندوستھان سماچار

/شہزاد