رودرپور (ادھم سنگھ نگر)، 28 مارچ (ہ س)۔ ہندوستانی کرکٹ ٹیم کے سابق کپتان سچن تندولکر آج اتراکھنڈ کے ادھم سنگھ نگر ضلع کے پنت نگر پہنچ گئے۔ سچن نے یہاں سڈکول صنعتی علاقے میں برائٹ سولر پینل مینوفیکچرنگ پلانٹ کا افتتاح کیا۔ اس دوران سچن نے کمپنی کے افسران اور ملازمین سے بات کی اور کمپنی کی مصنوعات کے بارے میں جانکاری حاصل کی۔

اس دوران سچن تندولکر کے ساتھ سیلفی لینے کے لئے بھیڑ لگی رہی ۔ پروگرام کے بعد سچن تندولکر رام نگر روانہ ہوگئے۔ معلومات کے مطابق سچن کچھ دنوں کے لیے کمایوں کا دورہ کریں گے۔

ہندوستھان سماچار