۔ 31 مارچ کو ٹیکس جمع کرانے کے لیے بینک کھلے رکھنے کی ہدایات

نئی دہلی، 28 مارچ ( ہ س)۔ گڈ فرائیڈے کے موقع پر 29 مارچ کو کئی ریاستوں میں بینکوں میں چھٹی ہوگی۔ تاہم، 30-31 مارچ کو بینک کھلے رہیں گے۔ ایسی حالت میں اگر بینک سے متعلق کوئی ضروری کام ہے تو آپ اسے ہفتہ اور اتوار کو مکمل کر سکتے ہیں۔

ریزرو بینک آف انڈیا (آر بی آئی) نے بینکوں کو 30 مارچ اور 31 مارچ کو عام کام کے اوقات تک سرکاری لین دین سے متعلق کاونٹر کھلے رکھنے کی ہدایت دی ہے۔ آر بی آئی نے بینکوں کو ہدایت دی ہے کہ وہ ٹیکس جمع کرانے کے لیے اپنی شاخیں کھلی رکھیں۔ تاہم ہفتہ اور اتوار کو تمام بینک نہیں کھلیں گے، صرف وہی بینک کھلیں گے جہاں ٹیکس وصولی کا کام ہوگا۔

وائس آف بینکنگ کے بانی اشونی رانا نے کہا کہ عام طور پر مالی سال ختم ہونے والے مہینے کی آخری تاریخ 31 مارچ کو بینکوں کی شاخیں ٹیکس جمع کرانے کے لیے کھلی رہتی ہیں لیکن اس بار اتوار کا دن ہونے کی وجہ سے ریزرو بینک نے یہ ہدایات جاری کی ہیں۔

ریزرو بینک کی چھٹیوں کی فہرست کے مطابق، مارچ میں 14 دن کی بینک تعطیلات ہیں، جس میں اتوار کی ہفتہ وار چھٹی اور ہفتہ کی دو چھٹیاں بھی شامل ہیں۔ اس کے علاوہ 29 مارچ کو گڈ فرائیڈے کو کئی ریاستوں میں بینک بند رہیں گے۔ ریزرو بینک کی چھٹیوں کی فہرست کے مطابق، گڈ فرائیڈے پر تریپورہ، آسام، راجستھان، ہماچل پردیش، جموں اور سری نگر کو چھوڑ کر تمام ریاستوں میں بینک بند رہیں گے۔

ہندوستھان سماچار