نئی دہلی، 29 دسمبر (ہ س)۔ وزیر خارجہ ایس۔ جے شنکر پیر 30 دسمبر کو قطر کے سرکاری دورے پر روانہ ہوں گے۔ جے شنکر 30 دسمبر سے یکم جنوری 2025 تک قطر کے دورے پر ہوں گے، جہاں وہ قطر کے وزیر اعظم اور وزیر خارجہ شیخ محمد بن عبدالرحمن بن جاسم الثانی سے ملاقات کریں گے۔

وزارت خارجہ نے وزیر خارجہ ایس۔ جے شنکر کے دورہ قطر کے بارے میں معلومات شیئر کیں۔ وزارت کی طرف سے جاری کردہ ریلیز میں کہا گیا ہے کہ وزیر خارجہ کے دورے سے دونوں فریقین کو دوطرفہ تعلقات کے مختلف پہلوؤں کا جائزہ لینے کا موقع ملے گا جن میں سیاسی، تجارتی، سرمایہ کاری، توانائی، سلامتی، ثقافتی اور عوام سے عوام کے ساتھ ساتھ علاقائی اور بین الاقوامی امور بھی شامل ہیں۔

آپ کو بتاتے چلیں کہ وزیر خارجہ ایس۔ جے شنکر 24 سے 29 دسمبر تک امریکہ کے چھ روزہ دورے پر ہیں۔ جہاں انہوں نے ہندوستان اور امریکہ کے تجارتی تعلقات سمیت کئی اہم امور پر تبادلہ خیال کیا۔

موان طیارہ حادثے پر دکھ کا اظہار

وزیر خارجہ ایس۔ جے شنکر نے اتوار کو جنوبی کوریا کے موان ہوائی اڈے پر ہونے والے طیارے کے حادثے پر غم کا اظہار کیا۔ انہوں نے کہا کہ وہ موان انٹرنیشنل ایئرپورٹ پر ہوائی جہاز کے المناک حادثے پر شدید غمزدہ ہیں۔ سوگوار خاندانوں سے اظہار تعزیت کرتا ہوں۔ ہمارے خیالات اس مشکل وقت میں جمہوریہ کوریا کے عوام کے ساتھ ہیں۔

---------------

ہندوستان سماچار / عبدالسلام صدیقی