گلوبل شطرنج لیگ: میگنس کارلسن نے وشوناتھن آنند کو شکست دی

لندن، 11 اکتوبر (ہ س)۔ میگنس کارلسن نے جمعرات کو عالمی شطرنج لیگ میں وشوناتھن آنند کو شکست دی۔ حالانکہ چنئی سے تعلق رکھنے والا یہ باصلاحیت کھلاڑی اب پہلے کی طرح متحرک نہیں ہے لیکن ناروے کے کارلسن بدستور شطرنج کے سب سے بڑے اسٹار ہیں۔

دونوں آل ٹائم عظیم کھلاڑی، جنہوں نے مجموعی طور پر 10 ورلڈ چیمپئن شپ جیتی ہیں، جمعرات کو فرینڈز ہاوس میں گلوبل چیس لیگ میں دوسری بار آمنے سامنے ہوئے۔ الپائن ایس جی پائپرز کی نمائندگی کرنے والے کارلسن نے اس بار کامیابی حاصل کی۔ گنگیج گرینڈ ماسٹرز کے خلاف 5-13 کی جیت کارلسن اور ان کے ساتھیوں کے لیے بہت اہم تھی، کیونکہ وہ اپنے پوائنٹس کی تعداد کو 18 میچ پوائنٹس تک لے گئے اور فائنل کے قریب ایک قدم بڑھ گئے۔

آئیکون بورڈ پر یہاں اپنے پہلے مقابلے میں انہوں نے ڈرا کھیلا تھا، لیکن اس بار کارلسن نے سسلین ڈیفنس کی وائٹ سائیڈ کھیل کر جیت حاصل کی۔ انہوں نے ایک چھوٹی سی برتری کو روک اینڈ بشپ اینڈ میں جیت میں بدل دیا۔

پرہم مگھسودلو، آر ویشالی اور نرگیل سلیمووا کے خلاف رچرڈ ریپورٹ، ہوو یفان اور کیٹرینا لگنو کی جیت نے پائپرز کے لیے ایک بہترین راستہ طے کیا۔ ٹیم کی جیت کے بعد کارلسن نے اپنے ساتھی کھلاڑیوں کی تعریف کرتے ہوئے کہا، ’’اب ہمیں تروینی کانٹی نینٹل کنگز کے خلاف (جمعہ کو) سخت مقابلہ جیتنا ہے۔‘‘

دن کے پہلے میچ میں امریکن گیمبیٹس نے اپ گریڈ ممبا ماسٹرز کو 6-11 سے شکست دی۔ اگرچہ دونوں ٹیمیں فائنل میں جگہ بنانے کی دوڑ میں نہیں تھیں لیکن انہوں نے کچھ دلچسپ مقابلے کھیلے۔

ہکارو ناکامورا نے میکسم وچیئر- لاگریو کے خلاف اپنا آئیکون بورڈ گیم جیت کر برتری حاصل کی۔ ودت گجراتی پر جان کریزٹوف ڈوڈا کی جیت گیمبٹز کے لیے میچ جیتنے کے لیے کافی ثابت ہوئی۔

بعد میں دن میں، پی بی جی الاسکا نائٹس نے کانٹی نینٹل کنگز پر 8-12 سے جیت کی بدولت ایک راونڈ باقی رہتے فائنل میں انٹری کیا۔

ہندوستھان سماچار

---------------

ہندوستان سماچار / انظر حسن