ملتان، 11 اکتوبر (ہ س)۔ انگلینڈ نے جمعے کو پہلے میچ کے پانچویں اور آخری دن پاکستان کو ایک اننگ اور 47 رن سے شکست دے کر اپنی یادگار ترین ٹیسٹ جیت درج کی۔ میچ میں پاکستان نے پہلے بیٹنگ کرتے ہوئے اپنی پہلی اننگز میں عبداللہ شفیق (102)، کپتان شان مسعود (151)، آغا سلمان (ناٹ آؤٹ 104) کی شاندار سنچریوں اور شکیل سعود کی شاندار نصف سنچری(82) کی بدولت 556 رن بنائے۔ ۔ جواب میں انگلینڈ نے جو روٹ (262) کی شاندار ڈبل سنچری اور ہیری بروک (317) کی شاندار ٹرپل سنچری کی بدولت اپنی پہلی اننگ 7 وکٹوں پر 823 رن پر ڈیکلیئر کر دی۔ سلمان علی آغا (63) اور عامر جمال (ناٹ آؤٹ 55) کی نصف سنچریوں کے باوجود پاکستانی ٹیم اپنی دوسری اننگز کے پانچویں دن پہلے سیشن میں 220 رن بنا کر آؤٹ ہوگئی۔ نمبر 11 ابرار احمد بخار کی وجہ سے بیٹنگ نہیں کر سکے اور پاکستان پہلی اننگز میں 500 سے زائد رن بنانے کے باوجود ایک اننگز سے میچ ہار گیا۔
بائیں ہاتھ کے اسپنر جیک لیچ نے آخری دن تینوں وکٹیں حاصل کیں اور میچ کو 4-30 سے ختم کیا، جبکہ انگلش فاسٹ بولر گس اٹکنسن اور ڈیبیو کرنے والے برائیڈن کارس نے چوتھے دن کی شام پاکستان کے ٹاپ آرڈر کو تہس نہس کردیا۔ چوتھے دن کے اختتام پر پاکستان نے 6 وکٹوں پر 152 رن بنا لیے تھے۔ پانچویں دن 152/6 پر آگے کھیلتے ہوئے، آغا اور جمال نے ایک گھنٹے تک مقابلہ کیا اور اپنی شراکت کو 109 رنز تک بڑھایا، یہ شراکت لیچ نے اپنے پہلے ہی اوور میں آغا سلمان کو سیدھی گیند پر ایل بی ڈبلیو کر دی۔ سلمان نے 63 رن کی شاندار نصف سنچری اننگز کھیلی۔ اس کے بعد لیچ نے شاہین شاہ آفریدی (10) کا شاندار کم ریٹرن کیچ لیا اور پھر 214 کے مجموعی اسکور پر نسیم شاہ (06) کو اسٹمپ کیا۔ ابرار احمد چونکہ بیماری کی وجہ سے بیٹنگ کے لیے نہیں آئے اس لیے پاکستان کی اننگز کا یہیں خاتمہ ہوا۔
انگلینڈ نے ہیری بروک کی جارحانہ ٹرپل سنچری اور جو روٹ کے شاندار 262 رنز کی بدولت پاکستان کے پہلی اننگز کے مجموعی 556 رنز کے جواب میں 823-7 پر اننگز ڈیکلیئر کر کے کئی ٹیسٹ ریکارڈ توڑ ڈالے۔ بدھ کو روٹ انگلینڈ کے سب سے زیادہ ٹیسٹ رنز بنانے والے کھلاڑی بھی بن گئے۔ ٹیسٹ کرکٹ میں پاکستان کی مایوس کن کارکردگی کا سلسلہ جاری رہا، کپتان شان مسعود گزشتہ سال کپتان بننے کے بعد مسلسل چھٹا ٹیسٹ ہار گئے۔ یہ 11 ٹیسٹ میچوں میں گھر پر پاکستان کی ساتویں شکست بھی تھی، آخری جیت فروری 2021 میں جنوبی افریقہ کے خلاف ملی تھی۔ دوسرا ٹیسٹ اگلے منگل سے ملتان میں شروع ہوگا اور آخری ٹیسٹ 24 اکتوبر سے راولپنڈی میں کھیلا جائے گا۔
ہندوستھان سماچار
ہندوستان سماچار / عبدالواحد
