لکھنو، 6 ستمبر (ہ س)۔ پولیس نے پیر کے روز اتر پردیش کے دارالحکومت لکھنو¿ کے سوشانت گولف سٹی پولیس اسٹیشن کے علاقے میں دھریندر پرتاپ سنگھ کے اغوا اور قتل معاملہ میں فرار 50,000 روپے کا انعامی ملزم کو گرفتار کرلیا۔ اس نے جائیداد کے لالچ میں اپنے بھائی کے ساتھ ملکر دھریندر کو قتل کر دیا تھا۔

دھریندر کے قتل میں ایس ٹی ایف کی ٹیم کو پیر کو ملزم کی صحیح معلومات ملی۔ اطلاع کی بنیاد پر ایس ٹی ایف نے پولیس ٹیم کے ساتھ مل کر ملزم جے کشن کو سیکٹر 10 کے چوراہے کے قریب محاصرے کے بعد گرفتار کیا۔ ملزم جے کشن نے اعتراف کیا کہ 29 اگست کو اس نے اپنے بھائی روی کشن اور اپنے دوست کی طرف سے بھیجے گئے شوٹروں کے ساتھ مل کر دھریندر کو قتل کر دیا۔ واقعے کے بعد سے گرفتاری کے خوف سے وہ پولیس سے چھپ کر لکھنو میں رہ رہا تھا۔ اس نے یہ بھی اعتراف کیا کہ اس کے بڑے بھائی روی نے ایک ماہ قبل دھریندر کے قتل کا منصوبہ بنایا تھا۔ اس میں اس کی بہن پوجا بھی شامل ہے۔ وہ پیسے اور گھر کے لالچ میں اس جرم میں ملوث ہو گئی تھی۔ پولیس نے ملزم کو گرفتار کر کے جیل بھیج دیا ہے۔

ہندوستھان سماچار

---------------

ہندوستان سماچار / عبدالسلام صدیقی