ہریدوار، 7 ستمبر (ہ س)۔ پتنجلی یوگ پیٹھ کے جنرل سکریٹری اور یوگا گرو بابا رام دیو کے قریبی ساتھی آچاریہ بال کرشن کو دہرادون کی سی بی آئی عدالت نے جعلی دستاویزات کی بنیاد پر پاسپورٹ بنانے کے تقریبا 15 سال پرانے معاملے میں بری کر دیا ہے۔

آچاریہ بال کرشن پر الزام تھا کہ انہوں نے پاسپورٹ بنانے کے لیے خورجہ کے سنسکرت کالج سے تعلق رکھنے والے مبینہ فرضی تعلیمی سرٹیفکیٹ بریلی کے پاسپورٹ آفس میں جمع کرائے تھے۔ اسی بنیاد پر ان پر فوجداری دفعات کے ساتھ پاسپورٹ ایکٹ کے تحت مقدمہ درج کیا گیا تھا۔ تقریبا ڈیڑھ دہائی پر محیط قانونی عمل کے بعد عدالت نے آچاریہ بال کرشن کو 2011 سے زیر التوا مقدمے کے الزامات سے بری کر دیا۔

فیصلے کے بعد آچاریہ بال کرشن نے اسے ایک بڑی راحت قرار دیتے ہوئے کہا کہ انہیں اس طویل عرصے کے دوران بہت زیادہ ذہنی تشدد سے گزرنا پڑا، لیکن بالآخر سچائی کی جیت ہوئی۔

ہندوستھان سماچار

---------------

ہندوستان سماچار / عبدالسلام صدیقی