سرینگر 7 ستمبر، (ہ س )۔ پولس اسٹیشن ترال نے دو ملزمین کی گرفتاری اور اب تک تقریباً 4 لاکھ روپے کے مسروقہ سونے کے زیورات کی بازیابی کے ساتھ ایک چوری کا معاملہ حل کرلیا ہے۔ تفصیلات کے مطابق یہ مقدمہ 28.06.2026 کو پولیس اسٹیشن ترال میں مظفر احمد موہند، مرحوم کے گھر سے تقریباً 12 لاکھ روپے کے سونے کے زیورات کی چوری کے سلسلے میں موصول ہونے والی شکایت سے متعلق ہے۔ اس سلسلے میں، بی این ایس کی دفعہ 305 اور 331 (4) کے تحت ایف آئی آر نمبر 80/2026 پولس اسٹیشن ترال میں درج کی گئی تھی، اور تحقیقات کا آغاز کیا گیا تھا۔ اہلکار نے کہا، تفتیش کے دوران، پولیس نے تمام دستیاب شواہد کا بغور تجزیہ کیا۔ ایس ایچ او تھانہ ترال، انسپکٹر تجمل الاسلام کی سربراہی میں پولیس ٹیم کی مسلسل تحقیقاتی کوششوں کے نتیجے میں دو ملزمان کو گرفتار کیا گیا جن کی شناخت سجاد احمد موچی، ولد نور محمد ساکنہ لارکی پورہ پدگامپورہ،عامر گنائی، ولد عبدالرشید گنائی کھلباغ بٹاگنڈ کے بطور ہوئی ہے۔ان کے انکشاف کی بنیاد پر، اب تک تقریباً 4 لاکھ روپے مالیت کے چوری شدہ سونے کے زیورات برآمد کیے جا چکے ہیں۔ کیس میں مزید تفتیش جاری ہے، اور تفتیش کے آگے بڑھنے کے ساتھ ساتھ مزید برآمدگی اور گرفتاریوں کی توقع ہے۔ پولیس ڈسٹرکٹ اونتی پورہ شہریوں کے جان و مال کے تحفظ کے لیے پرعزم ہے اور مجرمانہ سرگرمیوں سے مضبوطی سے نمٹنے کے اپنے عزم کا اعادہ کرتی ہے۔ عوام سے اپیل کی جاتی ہے کہ وہ چوکس رہیں اور امن، سلامتی اور عوامی تحفظ کو برقرار رکھنے میں پولیس کے ساتھ تعاون کریں۔ہندوستھان سماچار

ہندوستان سماچار / Aftab Ahmad Mir