جوہانسبرگ، 07 ستمبر (ہ س):۔

جنوبی افریقہ نے آسٹریلیا کے خلاف 24 ستمبر سے شروع ہونے والی تین میچوں کی ہوم ون ڈے سیریز کے لیے 16 رکنی ٹیم کا اعلان کر دیا ہے۔ ٹیم کی قیادت ٹیمبا باووما کریں گے، جبکہ فاسٹ بولر جیرالڈ کوئٹزی کی بھی ٹیم میں واپسی ہوئی ہے۔

باووما نے آخری مرتبہ دسمبر 2025 میں بھارت کے خلاف ون ڈے میچ کھیلا تھا۔ کوئٹزی 2023 کے عالمی کپ کے بعد پہلی مرتبہ جنوبی افریقہ کی ون ڈے ٹیم میں واپس آئے ہیں۔ نمیبیا کے خلاف حالیہ سیریز میں ریسٹ دیے گئے مستقل کھلاڑیوں کو بھی ٹیم میں شامل کیا گیا ہے۔ ان میں ایڈن مارکرم، مارکو یانسن، لنگی اینگیدی، ڈیوڈ ملر، کاربن بوش اور کوئنٹن ڈی کوک شامل ہیں۔ مارکرم سیریز کے دوسرے اور تیسرے ون ڈے کے لیے دستیاب رہیں گے۔

آسٹریلیا کے خلاف یہ سیریز اگلے سال جنوبی افریقہ، زمبابوے اورنامیبیا میں ہونے والے ون ڈے عالمی کپ کی تیاری کے لحاظ سے اہم سمجھی جا رہی ہے۔

دونوں ٹیمیں اکتوبر میں تین میچوں کی ٹیسٹ سیریز میں بھی آمنے سامنے ہوں گی۔ جنوبی افریقہ نے ابھی ٹیسٹ سیریز کے لیے اپنی ٹیم کا اعلان نہیں کیا ہے، جبکہ آسٹریلیا نے پیر کو ہی اپنی ٹیسٹ ٹیم کا اعلان کر دیا تھا۔

جنوبی افریقہ کی مکمل ٹیم

ٹیمبا باووما (کپتان)، اوٹنیل بارٹمین، کاربن بوش، میتھیو بریٹزکے، جیرالڈ کوئٹزی، کوئنٹن ڈی کاک، ٹونی ڈی زورزی، بیورن فورٹوئن، مارکو یانسن، کیشو مہاراج، کوینا مافاکا، ایڈن مارکرم، ڈیوڈ ملر، لنگی اینگیڈی، ریان ریکلٹن، ٹرسٹن اسٹبس۔

ہندوستھان سماچار

ہندوستان سماچار / عطاءاللہ