نئی دہلی، 3 ستمبر(ہ س)۔ پانچ بار کے عالمی چیمپئن برازیل نومبر میں ایشیائی ٹیموں کے خلاف اپنی تیاریاں تیز کرے گا۔ برازیلین فٹ بال ایسوسی ایشن نے جمعرات کو اعلان کیا کہ ٹیم نومبر کی بین الاقوامی ونڈو میں جاپان اور سنگاپور کے خلاف دوستانہ میچ کھیلے گی۔

کارلو اینسیلوٹی کی ٹیم ستمبر-اکتوبر کی بین الاقوامی ونڈو میں آسٹریلیا اور بھارت کے خلاف میچ کھیلے گی۔ نومبر میں برازیل کا مقابلہ 14 نومبر کو جاپان اور 17 نومبر کو سنگاپور سے ہوگا۔ دونوں میچ سنگاپور کے نیشنل اسٹیڈیم میں کھیلے جائیں گے۔

کوچ اینسیلوٹی نے کہا کہ سنگاپور میں ہونے والے یہ دوستانہ مقابلے برازیل کی قومی ٹیم کو آنے والے برسوں کے لیے تیار کرنے کی طرف اہم قدم ہیں۔ جاپان اور سنگاپور کے خلاف میچ ٹیم کو مختلف حالات میں کھلاڑیوں کی کارکردگی کا جائزہ لینے کا موقع فراہم کریں گے۔

انہوں نے کہا کہ ٹیم اپنی شناخت کو مضبوط بنانے اور اختیارات کو بڑھانے پر کام کر رہی ہے۔ مقصد توازن کے ساتھ مسلسل بہتری لانا اور ٹیم کو آگے آنے والے بڑے چیلنجوں کے لیے تیار کرنا ہے۔

برازیل اور جاپان کے درمیان میچ 2026 کے فیفا ورلڈ کپ کے آخری 32 راو¿نڈ کے مقابلہ کا بھی اعادہ ہوگا۔ اس میچ میں گیبریل مارٹینیلی نے آخری منٹ میں گول کر کے برازیل کو 1-2 سے فتح دلائی تھی۔

جاپان کے ہیڈ کوچ حاجیم موریاسو نے کہا کہ ٹیم اس موقع سے بھرپور فائدہ اٹھانا چاہتی ہے اور اپنی کارکردگی کو مسلسل بہتر بنانا چاہتی ہے۔ انہوں نے کہا کہ جاپان اگلے سال جنوری میں ہونے والے اے ایف سی ایشین کپ میں اپنی بہترین کارکردگی دکھانے کی تیاری کر رہا ہے۔

سنگاپور میں فٹ بال کے لیے جوش و خروش کا حوالہ دیتے ہوئے موریاسو نے کہا کہ سنگاپور اور دیگر ایشیائی ممالک کے بہت سے لوگوں نے ورلڈ کپ کے دوران جاپان کی حمایت کی۔ انہوں نے ایسے فٹ بال سے محبت کرنے والے ملک میں کھیلنے کا موقع ملنے پر خوشی کا اظہار کیا۔

بین الاقوامی ایونٹ کا آغاز 13 نومبر کو نیشنل اسٹیڈیم میں سنگاپور اور پیراگوئے کے درمیان میچ سے ہوگا۔ اگلے دن جاپان اور برازیل آمنے سامنے ہوں گے۔

ہندوستھان سماچار

---------------

ہندوستان سماچار / عبدالسلام صدیقی