گورکھپور، 22 ستمبر (ہ س)۔ اتر پردیش کے گورکھپور ضلع میں پولیس نے منگل کو گینگ بنا کر لوٹ، اقدامِ قتل اور مارپیٹ جیسے جرائم انجام دینے اور جرائم کے ذریعے غیر قانونی اثاثے بنانے کے الزام میں نامزد امرجیت سنگھ کی ایک چار پہیہ گاڑی ضبط کر لی۔ ضبط کی گئی گاڑی کی تخمینی قیمت تقریباً 8.50 لاکھ روپے بتائی گئی ہے۔
یہ کارروائی رام گڑھ تال تھانے میں درج مقدمے میں اتر پردیش گینگسٹرز اور سماج دشمن سرگرمیوں کی روک تھام ایکٹ، 1986 کے تحت درج معاملے سے متعلق ہے۔پولیس کے مطابق ملزم امرجیت سنگھ ولد ہنومنت سنگھ، ساکن گاو¿ں کیشوکھور، تھانہ سہجنوا/بانس گاؤں، ضلع گورکھپور کے خلاف مختلف تھانوں میں کئی فوجداری مقدمات درج ہیں۔
پولیس کا الزام ہے کہ ملزم نے گینگ بنا کر مجرمانہ سرگرمیوں کو انجام دیا اور انہی سرگرمیوں سے حاصل رقم سے جائیداد بنائی۔ رام گڑھ تال پولیس نے ضلع مجسٹریٹ کے حکم کی تعمیل میں اتر پردیش گینگسٹرز اور سماج دشمن سرگرمیوں کی روک تھام ایکٹ، 1986 کی دفعہ 14(1) کے تحت کارروائی کرتے ہوئے جرائم سے حاصل شدہ بتائی جانے والی چار پہیہ گاڑی ضبط کر لی۔
ہندوستھان سماچار
ہندوستان سماچار / محمد شہزاد
