گریڈیہ، 22 ستمبر (ہ س)۔ ضلع کے گانڈے تھانہ علاقے میں ہتھیاروں سے لیس بدمعاشوں نے پیر کی دیر رات زیر تعمیر بجلی کے پاور سب اسٹیشن پر دھاوا بول دیا اور لاکھوں روپے مالیت کی سرکاری املاک لوٹ کر فرار ہو گئے۔

پولیس کے مطابق چار سے پانچ کی تعداد میں جرائم پیشہ افراد دیوار پھلانگ کر دیر رات سب اسٹیشن کے احاطے میں داخل ہوئے اور ریوالور دکھا کر پہلے گارڈ کو ایک کمرے میں بند کر دیا۔ اس کے بعد دیگر ملازمین کو بھی یرغمال بنا کر ٹرانسفارمر سے تانبا سمیت دیگر قیمتی سامان لوٹ کر فرار ہو گئے۔

واقعے کے بعد منگل کو سب اسٹیشن کے کئی ملازمین تھانے پہنچے اور پورے واقعے کی اطلاع تھانہ انچارج آنند پرکاش سنگھ کو دی۔ اطلاع ملتے ہی تھانہ انچارج پولیس فورس کے ساتھ موقع پر پہنچے۔

پولیس نے بتایا کہ سب اسٹیشن کے ملازم دھیرج کمار کی شکایت کے بعد ملزمان کی گرفتاری کی کوشش کی جا رہی ہے۔ واقعے کے بارے میں دھیرج کمار نے بتایا کہ دیر رات چار سے پانچ کی تعداد میں جرائم پیشہ افراد آئے تھے۔

انہوں نے سب اسٹیشن میں موجود ملازمین کو ہتھیاروں کے زور پر یرغمال بنا کر ایک کمرے میں بند کر دیا۔ اس دوران جرائم پیشہ افراد نے شور مچانے پر جان سے مارنے کی دھمکی بھی دی۔ ملازمین کے مطابق ملزمان نے سب اسٹیشن کے احاطے میں موجود دو بڑے ٹرانسفارمروں سے تیل بھی نکال کر بہا دیا۔

ہندوستھان سماچار

ہندوستان سماچار / محمد شہزاد