نئی دہلی/ممبئی، 22 ستمبر (ہ س)۔ لوہے اور اسٹیل تیار کرنے والی کمپنی جرمن گرین اسٹیل اینڈ پاور لمیٹڈ کا ابتدائی عوامی پیشکش (آئی پی او) 25 ستمبر کو کھلے گا۔ سرمایہ کار اس میں سرمایہ کاری کے لیے 29 ستمبر تک بولی لگا سکتے ہیں۔ اس کے لیے قیمت کا دائرہ (پرائس بینڈ) 132 سے 139 روپے فی شیئر مقرر کیا گیا ہے۔

کمپنی نے منگل کو یہاں منعقدہ پریس کانفرنس میں بتایا کہ جرمن گرین اسٹیل اینڈ پاور لمیٹڈ کا آئی پی او جمعہ، 25 ستمبر کو کھلے گا اور 29 ستمبر کو بند ہو جائے گا۔ کمپنی نے اس کے لیے 132 سے 139 روپے فی شیئر کا پرائس بینڈ مقرر کیا ہے۔ جرمن گرین اسٹیل نئے شیئرز جاری کرکے 1,047 کروڑ روپے کی ویلیوایشن پر 290 کروڑ روپے تک حاصل کر رہی ہے، جبکہ پروموٹر ’آفر فار سیل‘ (او ایف ایس) کے ذریعے 10 لاکھ شیئرز فروخت کریں گے۔

سرمایہ کار کم از کم 107 ایکویٹی شیئرز کے لیے بولی لگا سکتے ہیں اور اس کے بعد 107 ایکویٹی شیئرز کے ملٹی پل میں بولی لگائی جا سکتی ہے۔ کمپنی کے مطابق 10 روپے کی فیس ویلیو والے اس ایشو میں سرمایہ کار کم از کم 107 ایکویٹی شیئرز اور اس کے بعد 107 شیئرز کے مضارب میں بولی لگا سکتے ہیں۔ کمپنی کے شیئرز کو این ایس ای اور بی ایس ای دونوں پر لسٹ کرنے کی تجویز ہے۔

قابل ذکر ہے کہ 2008 میں قائم ہونے والی لوہے اور اسٹیل کی یہ کمپنی بنیادی طور پر ملک کے مغربی علاقے میں کام کرنے والی ایک ورٹیکلی انٹیگریٹڈ آئرن اور اسٹیل بنانے والی کمپنی ہے۔ گجرات میں اس کی موجودگی ہے اور اس کی بنیادی توجہ ٹی ایم ٹی بارس پر ہے۔ کمپنی کی گجرات میں دو مینوفیکچرنگ یونٹس ہیں، جن میں ایک سماکھیالی میں واقع ’سماکھیالی فیسلٹی‘ ہے، جوورٹیکلکی انٹیگریٹڈ ہے اور دوسری ورمگام میں ’ورمگام فیسلٹی‘ میں ہے۔

ہندوستھان سماچار

ہندوستان سماچار / محمد شہزاد