نئی دہلی، 22 ستمبر(ہ س)۔ وزیراعظم نریندر مودی نے منگل کو ایشیائی کھیلوں میں طلائی تمغہ جیتنے والی بھارتی خاتون کرکٹ ٹیم کو دلی مبارکباد اور نیک خواہشات پیش کیں۔وزیراعظم مودی نے ’ایکس‘ پر اپنے پیغام میں کہا، ’’بھارتی کرکٹ کے لیے شاندار کامیابی! ایشیائی کھیلوں میں طلائی تمغہ جیتنے پر ہماری خاتون کرکٹ ٹیم کو بہت بہت مبارکباد۔‘‘ انہوں نے کہا کہ کھیلوں میں ٹیم کی کارکردگی زبردست رہی، جس میں اعتماد، مہارت اور بہترین ٹیم ورک نظر آیا۔وزیراعظم نے کہا کہ اس کامیابی کے ساتھ بھارت نے ان ایشیائی کھیلوں میں اپنا پہلا طلائی تمغہ بھی حاصل کیا ہے۔ ٹیم نے ملک کا وقار بڑھایا ہے اور پورے ملک میں کرکٹ کے بے شمار نوجوان کھلاڑیوں کو تحریک دے گی۔قابل ذکر ہے کہ اسمرتی مندھانا اور شفالی ورما کی شاندار بلے بازی کے بعد بھارتی اسپنرز کی بہترین گیند بازی کی بدولت بھارت نے منگل کو ایشیائی کھیلوں کے خواتین کرکٹ فائنل میں سری لنکا کو 147 رنز سے شکست دے کر مسلسل دوسری بار طلائی تمغہ جیت لیا۔یہ موجودہ ایشیائی کھیلوں میں بھارت کا پہلا طلائی تمغہ ہے۔ بھارت کے مجموعی تمغوں کی تعداد اب 7 ہوگئی ہے، جن میں ایک طلائی، 4 چاندی اور 2 کانسی کے تمغے شامل ہیں۔ہندوستھان سماچار

ہندوستان سماچار / Mohammad Khan