وارانسی، 20 ستمبر(ہ س)۔ اتر پردیش کے وارانسی ضلع میں بھوجپوری گلوکار و اداکار رتیش پانڈے سے مبینہ طور پر فون پر 10 لاکھ روپے رنگداری کا مطالبہ کرنے اور اسے جان سے مارنے کی دھمکی دینے کے الزام میں مقدمہ درج کیا گیا ہے۔ اداکار اور ان کے اہل خانہ کی شکایت پر سار ناتھ پولیس نے ایک نامعلوم شخص کے خلاف مقدمہ درج کیا ہے جس میں ایک نامزد ملزم بھی شامل ہے اور تفتیش شروع کردی ہے۔

اصل میں سار ناتھ پولیس اسٹیشن کے علاقے تلما پور کے رہنے والے رتیش پانڈے سے موبائل فون پرجمعہ کو ایک شخص نے کال کیا۔ فون کرنے والے نے اپنی شناخت بلبل یادو کے طور پر کی، اس نے رنگداری کے طور پر 10 لاکھ روپے کا مطالبہ کیا۔ اس نے مبینہ طور پر اسے پیسے نہ دینے پر گولی مار کر ہلاک کرنے کی دھمکی دی ۔ واقعے کے بعد رتیش پانڈے نے فوری طور پر پولیس کو اطلاع دی۔ خاندان کی طرف سے درج کرائی گئی شکایت کی بنیاد پر، سار ناتھ پولیس نے ہفتے کی دیر شام بلبل یادو اور ایک نامعلوم شخص کے خلاف رنگداری اور دھمکیوں کی دفعات کے تحت مقدمہ درج کیا۔

سار ناتھ پولیس کا کہنا ہے کہ ملزم کو گرفتار کرنے کی کوششیں کی جا رہی ہیں۔ رتیش پانڈے کو دھمکی دینے کے الزام میں اس شخص پر اس سے قبل علاقے کے ایک ہوٹل آپریٹر کو دھمکی دینے کا بھی الزام ہے۔ پولیس اب اس معاملہ کے ماضی کے واقعات اور ملزم کے بارے میں بھی معلومات اکٹھا کر رہی ہے۔ بھوجپوری سنیما کے گلوکار اور اداکار رتیش پانڈے اپنے سپر ہٹ گانوں جیسے 'ہیلو کون' اور 'پیوا سے پہلے ہمار رہالو' کے لیے جانے جاتے ہیں۔ اداکار نے 2025 میں جن سورج پارٹی کے ٹکٹ پربہار قانون ساز اسمبلی کا الیکشن (کرگھر سیٹ) بھی لڑا ہے۔

ہندوستھان سماچار

---------------

ہندوستان سماچار / عبدالسلام صدیقی