نیویارک، 2 ستمبر (ہ س)۔ دنیا کی دوسرے نمبر کی کھلاڑی ایلینا رائباکینا، سابق چیمپئن کوکو گاف، میڈیسن کیز اور فرنچ اوپن چیمپئن میرا اینڈریوا نے منگل کے روز شاندار جیت درج کرتے ہوئے یو ایس اوپن کے دوسرے راونڈ میں داخلہ حاصل کر لیا۔

تیسری گرینڈ سلیم ٹرافی اور عالمی نمبر ایک رینکنگ پر نظریں جمائے رائباکینا نے امریکہ کی تھیا فراڈن کو 3-6، 2-6 سے شکست دی۔ قازقستان کی رائباکینا نے مقابلے میں شاندار کارکردگی کا مظاہرہ کیا اور دونوں بریک پوائنٹس بچائے۔

رائباکینا کے لیے یہ جیت خاص رہی، کیونکہ اسی مہینے سنسناٹی میں کوارٹر فائنل مقابلے سے انہیں بائیں پیر کی چوٹ کے سبب دستبردار ہونا پڑا تھا۔ چوٹ کے بعد واپسی کرتے ہوئے انہوں نے عمدہ کھیل پیش کیا اور اپنی فٹنس کو لے کر اٹھنے والے خدشات کو بھی دور کر دیا۔

رائباکینا، کوکو گاف اور جیسیکا پیگولا ان تین کھلاڑیوں میں شامل ہیں جو نیویارک میں آریانا سبالینکا سے عالمی نمبر ایک کی رینکنگ چھین سکتی ہیں۔ گاف کو اس کے لیے اپنا دوسرا یو ایس اوپن خطاب جیتنا ہوگا، جبکہ رائباکینا سیمی فائنل میں پہنچ کر بھی سرفہرست رینکنگ حاصل کر سکتی ہیں۔

2023 کی یو ایس اوپن چیمپئن کوکو گاف نے ترکیہ کی دنیا کی 53 ویں نمبر کی زینپ سونمیز کو 3-6، 4-6 سے ہرایا۔ گاف نے اپنی بہتر ہوئی سروس کا شاندار استعمال کیا اور ابتدائی سیٹ میں غلبہ حاصل کیا۔

فرنچ اوپن چیمپئن اور پانچویں سیڈ یافتہ میرا اینڈریوا نے انڈونیشیا کی 36 ویں نمبر کی جینیس تین کو 2-6 ،2-6 سے ہرا کر دوسرے راونڈ میں جگہ بنائی۔

میڈیسن کیز نے روسی نوعمر علینا کورنیوا کو 5-7، 4-6 سے ہرایا۔ کیز نے مقابلے میں 21 ونرز لگائے اور اب دوسرے راونڈ میں جمہوریہ چیک کی لوسی ہولیکووا یا ہنگری کی اینا بوندار سے ان کا مقابلہ ہوگا۔

ہندوستھان سماچار

---------------

ہندوستان سماچار / انظر حسن