نئی دہلی، 19 ستمبر (ہ س)۔ رئیلٹی شو ’بگ باس 20‘ کے دوسرے ہفتے میں سیزن کا پہلا ایویکشن ہو گیا ہے۔ اداکار اور ماڈل روہید خان شو سے باہر ہونے والے پہلے مقابل بن گئے ہیں۔ ’ویک اینڈ کا وار‘ میں ان کے ایویکشن کا اعلان کیا گیا۔

روہید خان کے ساتھ آصف خان اور تنمے سنگھ بھی براہِ راست بے دخلی کے لیے نامزد تھے۔ تینوں کو گھر کے قوانین کی خلاف ورزی کرتے ہوئے نامزدگی سے متعلق گفتگو کرنے پر سزا کے طور پر براہِ راست ایویکشن کے لیے نامزد کیا گیا تھا۔

روہید کے شو سے باہر ہونے کے بعد سوشل میڈیا پر ناظرین کے مختلف ردعمل دیکھنے کو ملے۔ خاص طور پر شو کے ’ایکسٹرا جیون دان‘ اصول کو لے کر کئی مداحوں نے سوال اٹھائے۔ ناظرین نے پہلے ہفتے میں کم ووٹ ملنے کے باوجود اودیتی سنگھ کو اس اصول کے تحت بچائے جانے کا حوالہ دیتے ہوئے سوال کیا کہ دوسرے ہفتے میں روہید کو اس کا فائدہ کیوں نہیں دیا گیا۔کچھ سوشل میڈیا صارفین نے پروگرام کے پروڈیوسرز پر الزام لگایا کہ وہ قواعد کا استعمال اپنی سہولت کے مطابق کر رہے ہیں۔ تاہم، یہ تمام ردعمل سوشل میڈیا پر ناظرین کی ذاتی آرا ہیں۔

واضح رہے کہ روہید خان آسٹریا کے اداکار اور ماڈل ہیں۔ افغانستان میں پیدا ہونے والے روہید نے ماڈلنگ اور اشتہارات کے ذریعے اپنے کیریئر کا آغاز کیا۔ انہوں نے 2023 میں کنگنا رناوت کی اداکاری والی فلم ’تیجس‘ سے بالی ووڈ میں قدم رکھا تھا۔ اس کے بعد وہ فلم ’بڑے میاں چھوٹے میاں‘ میں بھی نظر آئے۔ روہید کراٹے میں بلیک بیلٹ بھی ہیں۔

ہندوستھان سماچار

ہندوستان سماچار / Mohammad Khan