کاٹھمنڈو، 16 ستمبر (ہ س)۔ نیپال کے موگو ضلع میں بدھ کی علی الصبح تقریباً ڈھائی گھنٹے کے وقفے سے دو مرتبہ زلزلے کے جھٹکے محسوس کیے گئے۔پہلا جھٹکا دیر شب ایک بج کر 51 منٹ پر آیا جبکہ دوسرا جھٹکا 4 بج کر 28 منٹ پر آیا۔ قومی زلزلہ پیمائش و تحقیق مرکز کے مطابق زلزلے کا مرکز موگو کا کالئے علاقہ تھا۔

مرکز کے سینئر ماہر ڈاکٹر لوک وجے ادھیکاری نے بتایا کہ دونوں زلزلوں کے درمیان تقریباً ڈھائی گھنٹے کا وقفہ تھا۔ انہوں نے کہا کہ 4.5 اور 4.2 شدت کے زلزلوں سے عام طور پر بڑے پیمانے پر نقصان کا امکان کم ہوتا ہے، تاہم لوگوں کو محتاط رہنے کی ضرورت ہے۔

عہدیدار کے مطابق، ہر بڑے زلزلے کے بعد آفٹر شاکس یعنی بعد کے جھٹکے آ تے ہیں۔ 4 شدت کا زلزلہ آنے والے علاقے میں بھی اس کے بعد 3، 2 اور ایک شدت کے کئی چھوٹے زلزلے محسوس کیے جا سکتے ہیں۔انہوں نے بتایا کہ گزشتہ ہفتے مستنگ ضلع میں آنے والے زلزلے کے بعد اب تک تقریباً 20 سے 22 آفٹر شاکس ریکارڈ کیے جا چکے ہیں۔

واضح رہے کہ گزشتہ 8 ستمبر کی رات 9 بج کر 53 منٹ پر مستنگ میں 5.3 شدت کا زلزلہ آیا تھا، جس کے جھٹکے کاٹھمنڈو میں بھی محسوس کیے گئے تھے۔

ہندوستھان سماچار

ہندوستان سماچار / محمد شہزاد