جموں, 14 ستمبر (ہ س): ریاسی پولیس نے کٹرا میں موبائل فون چوری کے ایک معاملے کو حل کرتے ہوئے چار چوری شدہ موبائل فون برآمد کرکے ایک ملزم کو گرفتار کرلیا ہے۔ برآمد شدہ موبائل فونز کی مالیت تقریباً ایک لاکھ 20 ہزار روپے بتائی گئی ہے۔

پولیس کے مطابق مشرقی دہلی کے رہائشی راجا بابو ولد پنی لال ساہ نے 7 ستمبر کو پولیس اسٹیشن کٹرا میں شکایت درج کرائی تھی کہ شری ماتا ویشنو دیوی کی جانب سفر کے دوران ان کے بیگ سے چار موبائل فون چوری ہوگئے۔

شکایت پر کارروائی کرتے ہوئے پولیس نے ایف آئی آر نمبر 287/2026 درج کرکے تفتیش شروع کی۔ تفتیش کے دوران پولیس نے اکلی، تحصیل کٹرا کے رہائشی شاہی کمار ولد بھارت بھوشن کو گرفتار کیا۔

پولیس نے بتایا کہ ملزم کی نشاندہی اور مزید تفتیش کی بنیاد پر چاروں چوری شدہ فون برآمد کرلیے گئے، جن میں ایک آئی فون 16 پرو اور تین اینڈرائیڈ فون شامل ہیں۔

ریاسی پولیس نے کہا کہ یاتریوں اور سیاحوں کے مال و املاک کے تحفظ کے لیے پولیس کی جانب سے مسلسل کوششیں جاری ہیں اور ضلع میں محفوظ ماحول برقرار رکھنے کے لیے تمام ضروری اقدامات کیے جا رہے ہیں۔

ہندوستھان سماچار

---------------

ہندوستان سماچار / محمد اصغر