رانچی، 14 ستمبر (ہ س)۔ جھارکھنڈ کے گورنر سنتوش کمار گنگوار، وزیر اعلیٰ ہیمنت سورین اور اسمبلی میں قائد حزب اختلاف بابولال مرانڈی نے گنیش چترتھی کے موقع پر ریاست کے عوام کو مبارکباد پیش کی ہے۔

گورنر سنتوش کمار گنگوار نے سوشل میڈیا پلیٹ فارم ایکس پر اپنے پیغام میں کہا، ”آپ سب کو شری گنیش چترتھی کے مقدس تہوار کی دلی مبارکباد۔“ انہوں نے بھگوان گنیش سے دعا کی کہ وہ سب کی زندگی میں خوشی، امن اور خوشحالی عطا کریں اور تمام رکاوٹوں کو دور کرکے زندگی کو خوشحال بنائیں۔

وزیر اعلیٰ ہیمنت سورین نے بھی گنیش چترتھی کے موقع پر ریاست کے عوام کو دلی مبارکباد اور ’جوہار‘ کہا۔ انہوں نے بھگوان گنیش کو وگھن ہرتا (رکاوٹیں دور کرنے والے) اور منگل کرتا (خیر و برکت عطا کرنے والے) قرار دیتے ہوئے دعا کی کہ وہ سب کی زندگی سے پریشانیاں اور رکاوٹیں دور کریں اور خوشی، امن، خوشحالی اور کامیابی کا آشیرواد عطا کریں۔

وزیر اعلیٰ نے کہا کہ معاشرے میں محبت اور بھائی چارہ برقرار رہے اور سب کی زندگی میں خوشحالی آئے، یہی ان کی خواہش ہے۔ انہوں نے اپنے پیغام کے آخر میں ”اوم گم گنپتئے نمہ“ لکھتے ہوئے ”گنپتی بپا موریا، منگل مورتی موریا“ کا نعرہ بھی لگایا۔

قائد حزب اختلاف بابولال مرانڈی نے بھی ریاست کے عوام کو گنیش چترتھی کی مبارکباد دی۔ انہوں نے کہا کہ وگھن ہرتا بھگوان شری گنیش سے دعا ہے کہ سب کی زندگی سے تمام رکاوٹیں دور ہوں اور خوشی، خوشحالی، امن اور آسودگی کا ورود ہو۔ انہوں نے اپنے پیغام کا اختتام ”گنپتی بپا موریا“ کے نعرے کے ساتھ کیا۔

ہندوستھان سماچار

ہندوستان سماچار / محمد شہزاد