سرینگر 12 ستمبر (ہ س): اننت ناگ پولیس نے ہفتہ کے روز ضلع کے واگھاما علاقے میں 20 مقامات پر ایک محاصرہ اور تلاشی آپریشن کیا جس کے تحت منشیات کی اسمگلنگ کے خلاف سخت کریک ڈاؤن کیا گیا۔ پولیس کے ایک اہلکار نے بتایا کہ مربوط آپریشن کے دوران 13 مشتبہ منشیات فروشوں کو پوچھ گچھ کے لیے اٹھایا گیا۔ انہوں نے کہا کہ آپریشن کا مقصد منشیات کی غیر قانونی تجارت میں ملوث مقامی نیٹ ورکس کی نشاندہی کرنا اور انہیں ختم کرنا اور سپلائی چین میں خلل ڈالنا تھا۔

اہلکار نے کہا کہ ضلع میں منشیات کی فروخت میں ملوث افراد اور نیٹ ورکس کے خلاف پائیدار اور انٹیلی جنس پر مبنی کارروائی کا حصہ تھا۔

انہوں نے کہا کہ اننت ناگ پولیس نے منشیات کی غیر قانونی تجارت کے تئیں اپنی زیرو ٹالرنس پالیسی کا اعادہ کیا اور یہ کہ منشیات کی لعنت پر قابو پانے اور نوجوانوں کی حفاظت کے لیے اس طرح کی کارروائیاں تیز کی جاتی رہیں گی۔ہندوستھان سماچار

ہندوستان سماچار / Aftab Ahmad Mir