ممبئی ، 12 ستمبر(ہ س)۔ گودریج انٹرپرائزز گروپ کے ایرو اسپیس کاروبار نے اسرو کے کامیاب ای او ایس۔5 مشن میں اہم خلائی نظام فراہم کرکے نمایاں تعاون کیا ہے۔ ان نظاموں کی مدد سے سیٹلائٹ کو لانچ کیے جانے سے لے کر خلا میں اس کے مقررہ مدار تک پہنچانے کے سفر کو کامیاب بنانے میں اہم کردار ادا کیا گیا۔ یہ مشن بھارت کے خلائی سفر میں ایک اور اہم سنگ میل قرار دیا جارہا ہے اور اس سے یہ بھی واضح ہوتا ہے کہ ملک کی خلائی ترقی کی اہم خواہشات کو آگے بڑھانے میں بھارتی صنعت کا کردار کتنا اہم ہے۔اسرو کے GSLV F17 راکٹ کے ذریعے خلا میں بھیجے گئے EOS پانچ زمین مشاہداتی سیٹلائٹ سے موسم کی پیش گوئی، زرعی منصوبہ بندی، قدرتی وسائل کے انتظام اور ماحولیاتی نگرانی سمیت روزمرہ زندگی سے متعلق مختلف شعبوں میں اہم معلومات حاصل ہوں گی۔ سیٹلائٹ سے حاصل ہونے والا ڈیٹا حکومت، مختلف اداروں اور معاشرے کو بہتر فیصلے کرنے میں مدد دے گا، جس سے ملک کی ترقی کے عمل کو مزید تقویت ملنے کی توقع ہے۔گودریج انٹرپرائزز گروپ نے اسرو کے GSLV F17 مشن کے لیے اہم پروپلشن اور سیٹلائٹ نظاموں میں تعاون کیا۔ ان میں ڈیولپمنٹ انجن، کرائیوجینک انجن کے نوزلز اور سیٹلائٹ تھرسٹر کے اجزا شامل ہیں۔ ان نظاموں نے EOS پانچ کو راکٹ کے ذریعے خلا میں روانہ کیے جانے سے لے کر اسے مدار تک پہنچانے کے پورے سفر میں اپنا کردار ادا کیا۔گودریج انٹرپرائزز گروپ کے ایرو اسپیس کاروبار کے سربراہ مانیک بہرام کمدین نے کہا کہ ہر کامیاب خلائی مشن ملک کے لیے فخر کا لمحہ ہوتا ہے۔ ان کے مطابق گودریج انٹرپرائزز گروپ گزشتہ 40 برس سے زیادہ عرصے سے مائع پروپلشن انجن اور سیٹلائٹ تھرسٹر کے اجزا تیار کرکے بھارت کے خلائی پروگرام میں اپنا تعاون دے رہا ہے۔ انہوں نے کہا کہ یہ انجینئرنگ کی اعلیٰ صلاحیت کا وہ ورثہ ہے جو خلا میں بھارت کی امنگوں کو آگے بڑھانے میں مدد کررہا ہے۔گودریج انٹرپرائزز گروپ نے اسرو کے کئی تاریخی مشنز میں بھی اپنا تعاون دے کر ملک کے خلائی پروگرام کی حمایت کی ہے۔ گزشتہ کئی برسوں کے دوران کمپنی نے ایسی ٹیکنالوجی اور صلاحیتیں تیار کرنے میں مدد کی ہیں جن سے خلا کے شعبے میں بھارت کی پوزیشن مزید مضبوط ہوئی ہے۔ اس کے ساتھ بھارتی انجینئرنگ اور مینوفیکچرنگ کی بڑھتی ہوئی صلاحیت بھی نمایاں ہوئی ہے۔عالمی خلائی شعبے میں اپنی موجودگی مضبوط کرنے کے بعد EOS پانچ مشن اس بات کی مثال ہے کہ جدت، باہمی تعاون اور خود انحصاری کے ذریعے بھارت کیا کچھ حاصل کرسکتا ہے۔ اس مشن کی کامیابی بھارتی صلاحیت، بھارتی ٹیکنالوجی اور بھارتی صنعت کے مشترکہ کردار کو اجاگر کرتی ہے، جو مل کر ملک کے خلائی سفر کو مزید مضبوط بنانے میں مصروف ہیں۔ہندوستھان سماچار

ہندوستان سماچار / جاوید این اے