باکس آفس پر ’ہنومان انش‘ کاجلوہ برقرار ہے۔ فلم کی مضبوط گرفت کے درمیان اکشے کمار اور سیف علی خان کی نئی ریلیزہونے والی فلم ’حیوان‘ ناظرین کو سنیما گھروں تک کھینچنے میں ناکام رہی۔ سیف اور اکشے کی جوڑی کی واپسی والی اس فلم نے پہلے ہی دن انتہائی مایوس کن کارکردگی کا مظاہرہ کیا۔سیکنِلک کے ابتدائی اعداد و شمار کے مطابق، ’حیوان‘ نے ملک بھر میں تقریباً 7,224 شوز کے باوجود پہلے دن صرف 3 کروڑ روپے کا کاروبار کیا۔دوسری جانب ’ہنومان انش‘ کی کمائی کا سلسلہ مسلسل جاری ہے۔ ریلیز کے 36ویں دن بھی فلم نے 5,743 شوز کے ساتھ تقریباً 10.50 کروڑ روپے کا کاروبار کیا۔ اس کے ساتھ ہی ہندوستان میں فلم کی مجموعی کمائی 173.63 کروڑ روپے تک پہنچ گئی ہے۔اسکرپٹ رائٹر اور ہدایت کار ڈاکٹر وشال چترویدی کی کتاب پر مبنی اس فلم میں شوبھینو ستیہ نے مرکزی کردار ادا کیا ہے۔ فلم نیم کروڑی بابا کی زندگی پر مبنی ہے اور مسلسل باکس آفس پر اپنی گرفت مضبوط بنائے ہوئے ہے۔دوسری جانب پنکج ترپاٹھی، علی فضل اور دویندو شرما کی اداکاری سے مزین ’مرزا پور دی مووی‘ بھی باکس آفس پر مضبوط کارکردگی کا مظاہرہ کر رہی ہے۔ فلم نے پہلے ہفتے میں 148.45 کروڑ روپے کمائے تھے۔ ریلیز کے آٹھویں دن، یعنی دوسرے جمعہ کو کمائی میں معمولی کمی کے باوجود فلم نے تقریباً 9 کروڑ روپے کا کاروبار کیا۔ اس کے ساتھ ہی ہندوستان میں ’مرزا پور دی مووی‘ کی مجموعی کمائی 157.45 کروڑ روپے ہو گئی ہے۔ہندوستھان سماچار

ہندوستان سماچار / Mohammad Khan